Bi ordu eta laurdeneko bilera egin dute Rajoyk eta Artur Masek
Mariano Rajoy Gobernuko presidenteak Artur Mas Kataluniako presidentea hartu du Moncloako jauregian. Bi ordu eta laurdeneko bilera egin dute, eta Kataluniako agintariak xehetasunak emango ditu. Gobernuak, aldiz, ohar bat bidaliko du bileraren nondik norakoak azaltzeko.
Artur Mas hitzartutako orduan iritsi da Moncloara eta Rajoyk eraikinaren sarreran hartu du Kataluniako agintaria. Bertan, argazkilarientzat posatu dute, bilera hasi baino lehen.
Espainiako presidenteak ez ditu sarrerako eskailerak jaitsi, Artur Mas hartzeko, Pedro Sanchez sozialistarekin egin zuen bezala. Goian, eskua luzatu dio Kataluniako presidenteari.
Argazkien tartean, hizketan izan dira, eta Espainiako, Kataluniako eta Europako banderen aurrean egin dizkiete argazkiak.
Bilera hasi aurretik, udako oporren inguruan mintzatu dira agintari biak. Mas Menorcara joango da eta Rajoyk aita-amaginarrebekin egun batzuk igaroko ditu, elkarri azaldu diotenez.
Rajoy Pedro Sanchez PSOEko buruzagi berriaren babesarekin joan da bilerara; izan ere, agintari sozialista galdeketaren aurka azaldu da. Bi ordu eta erdiko bilera batean subiranotasun nazionala defendatzeko garaian bat egin zuten bi agintariek; izan ere, erreferenduma "legez kanpokoa" dela eta egiterik ez dagoela esan zuten biek.
Gaurko bileraren aurrean, Rajoyk ez du itxaropen handirik azaldu: "Hitz egingo dugu, baina ez dut ezin dudana, ezta egin behar ez dudana egingo ere". Gainera, egoeraren erantzukizuna saihestu du Gobernuko presidenteak: "Arazo bat dagoela badakit, arazoari aurre egin behar zaiola dakit, baina gauzak egin baino lehen ongi pentsatu behar dira, gero horrelakoak pasatzen direlako. Hala eta guztiz ere, hitz egingo dugu".
'Pujol auzia', atzealdean
34 urte dirua zerga paradisuetan izan duela aitortu zuen Jordi Pujolek orain dela bost egun, eta horrek bileraren testuingurua erabat aldatu du. Hala ere, 'Pujol auzia'k bileran eraginik izango ez duela ziurtatu dute Masek eta Francesc Homs Generalitateko bozeramaileak.
Eztabaidak bere horretan jarraitzen du; izan ere, "herria edozein pertsonaren gainetik dago, nahiz eta pertsona garrantzitsua izan", esan du Masek prentsaurrekoan.
Homsek erronka bota eta Masen aurrean proposamenak aurkezteko eskatu dio Rajoyri: "Entzuteko irrikitan gaude, entzutera joango gara", ziurtatu du bozeramaileak. Zentzu horretan, Gobernu zentralak eskaintzarik egin ez duela gogorarazi du Homsek. CiUren Gobernuak kontsultaren bide orria ERC, ICV eta CUPekin adostu zuela erantsi du bozeramaileak.
Desadostasunak
Rajoy eta Mas duela ia urtebete bildu ziren azken aldiz, 2013ko abuztuaren 29an. Bilera sekretua egin zuten Madrilen, baina ez zuten beste deialdirik egin. Lanak behartu dituenean berriz topo egin dute eta zenbaitetan elkarri ihes egin diote, esaterako iragan apirilean, Bartzelonan.
Zure interesekoa izan daiteke
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" zegoelako
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek eta jada senda-agiria eman diotela. Ostiralean Gonzalez Amador Ayusoren bikotekidearen auziperatzea ezagutu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.