Jose Luis Bilbaok ez du ahaldun nagusi izateko hautagaitza aurkeztuko
Jose Luis Bilbaok ez da berrautaketara aurkeztuko datorren urteko hauteskundeetan, Bilbaok berak Batzar Nagusietako osoko bilkuran iragarri duenez. Hamabi urte eman ditu (hiru legealdi) Jose Luis Bilbaok Bizkaiko Foru Aldundian.
Politika orokorreko osoko bilkuran, Bilbaok esan du "lehenengo lerroko" kargu politikoa "egindakoaz harro" utziko duela, hamabi urteren ondoren "ez naizelako karguaz aprobetxatu ezta aberastu ere".
Izan ere, bere ondarea publikoki azaldu du gaur Bilbaok eta kargu publiko bat duten pertsona guztiek gauza bera egin beharko luketela gaineratu du.
Bere emaztearekin batera orain 21 urte erositako 500.000 euroko etxea, bi ibilgailu, 35.000 euro pentsio funts batean eta bi kontu-korrontetan 65.300 euroko ondorea dauka Jose Luis Bilbaok.
Zenbait hedabidek Bilbaoren azken legealdia izan litekeela argitaratu badute ere, gaur bertan iragarri du Bilbaok bere azken erabakia. Datorren astean, Itxaso Atutxak emango ditu jakitera Bizkaiko EAJren hautagai nagusien izenak.
Hemendik aurrera, bi dira argitu gabe dauden zalantzak. Aurrenekoa Itxaso Atutxak argituko du datorren astean: Bilbaoren ondorengoa eta, hortaz, Bizkaiko Aldundia gidatzeko EAJren hautagaiaren izena. Unai Rementeria egungo Presidentetza diputatua izango dela diote askok, baina datorren astera arte ez da ofizialki jakingo.
Unai Rementeria Presidentetza diputatua. Argazkia: EFE.
Bigarren zalantza, Jose Luis Bilbaoren etorkizun profesionalaren ingurukoa da. Hamabi urtez Bizkaiko ahaldun nagusia izan ondoren, ez du oraindik argitu bere etorkizuna zein izango den.
Batzar Nagusietan egin duten osoko bilkuran, bere ondarea zein den azaldu nahi izan du, "patrika gardenak dituen politikari zintzoa" dela erakusteko. "Kontzientzia garbi daukala" utziko du Aldundia, bere hitzetan.
Ana Madariaga eta Mikel Torresen agurrak
Jose Luis Bilbaoren agurraz gain, Mikel Torres ahaldun sozialistak eta Ana Madariaga Bizkaiko Ganberako presidente jeltzaleak ere iragarri dute ez direla berriro hautagai izango.
Ana Madariagak osoko bilkuraren bukaeran egin du iragarpena: "Batzar Nagusietako presidente moduan egingo dudan azken adierazpen publikoa da", esan du.
Mikel Torresek Bizkaiko Batzar Nagusietan duen eserlekua utziko du, Bizkaiko PSEren idazkari nagusi izateko. Torresen lekua Dulcina Pereiro sozialistak hartuko du.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.