Ana Isabel Alvarez epailea izango da 'Kutxabank auzia' eramango duena
Ana Isabel Alvarez Fernandez epaileak daraman Bilboko 4. Instrukzio epaitegiak hartu du bere gain 'Kutxabank auzia', Mikel Cabieces Espainiako Gobernuak EAEn zuen ordezkariari ustez egindako ordainketa irregularren auzia.
Carmen Adan Bizkaiko fiskalburuak atzo Mario Fernandez Kutxabanken presidente ohia, Cabieces bera eta Rafael Alcorta Cabiecesi 243.000 ordaintzeko erabili zen abokatuen bulegoko arduraduna inputatzeko eskaria egin ostean erabaki du auzitegiak prozesua abiatzea.
Gainera, Iberdrolak Cabiecesi urtean emandako 62.000 euroko soldata ere ikertzeko eskatu dio fiskalak epaileari.
Fiskaltzaren arabera, hiru delituren zantzuak daude: administrazio ez leiala, bidegabe jabetzea eta merkataritza dokumentuaren faltsutzea. Kasu larrienean, lau urteko kartzela-zigorra eska daiteke delitu horiengatik.
EAJ eta PSE-EE, ikerketa batzordearen kontra
Atzemandako ustezko irregulartasunak ikertzeko bide egokiena justizia dela iritzi dio Joseba Egibar EAJren Gipuzkoako buruak. Horrenbestez, errefusatu egin du EH Bilduk proposatutako ikerketa batzordea sortzea.
Horren haritik, koalizio abertzaleak ezer "argitu" baino gehiago, "gauzak nahastu" nahi dituela kritikatu du.
PSE-EE ere batzordearen kontra agertu da; izan ere, "gertatutakoa argitu nahi bada, gaia auzitegian dago, beraz, hor ezagutuko ditugu xehetasun guztiak".
"Konfiantza osoa dugu Justiziarengan, eta epaia laster iristea espero dugu", adierazi dute sozialistek.
Iberdrola
Iberdrolak ere Mikel Cabieces Espainiako Gobernuko ordezkari ohiaren zerbitzuak kontratatu zituen 2012. eta 2013. urteetan, gaur Vocento taldeko egunkariek argitaratutakoaren arabera. Bi urte horietan, 107.000 euro jaso zituen Cabiecesek Iberdrolatik. Iberdrolarekin batera, Kutxabank zen Cabiecesen bezero bakarra.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.