Manu Lezertua, datozen bost urteotarako ararteko
Manu Lezertua legelaria ararteko izendatu du ostegun honetan Eusko Legebiltzarrak osoko bilkuran, EAJren, PSE-EEren eta PPren aldeko botoekin.
Iñigo Lamarcaren, 10 urtez karguan izan denaren, lekua hartuko du Lezertuak. Lamarcak 2014ko urriaren 15ean bukatu zuen agintaldia, eta Julia Hernandez aritu da azken hilabeteetan jarduneko ararteko gisa. Bost urtez izango da herri-defendatzailearen bulegoko buru Lezertua.
Ararteko izateko, legebiltzarkideen hiru bostenen babesa behar zuen; bestela esanda, 45 boto. Jeltzaleek, sozialistek eta popularrek (53 boto) horren alde egin dute; EH Bilduk Luix Barinagarrementeriaren alde bozkatu du (21 boto), eta UPyDk boto zuria eman du.
Lezertuak gonbidatuen aulkitik jarraitu du bozketa, eta legebiltzarkideek zoriondu ostean, Legebiltzarreko prentsa-aretora joan da adierazpenak egitera.
Manu Lezertua Rodriguez 58 urteko legelari bilbotarra da, eta Euskadiko eta Europako zenbait erakundetan (Eusko Jaurlaritzan, besteak beste) aritu da legelari lanetan. Ia 30 urte eman ditu Europako Giza Eskubideen Auzitegian lanean, eta, azken urteetan, Europako Kontseiluko goi mailako funtzionarioa izan da, delitu ekonomikoen kontrako atalean eta idazkari nagusiaren aholku kontseiluan. Ama hizkuntza gaztelania du, baina Euskaltzaindiak emandako euskarazko titulua ere badu, frantsesa eta ingelesa menperatzen ditu, eta aleman eta italierako oinarrizko maila du.
Arauak "gizalegez aplikatzea bermatu" behar da
Lezertua duela bi egun aritu zen Eusko Legebiltzarrean Giza Eskubideen, Berdintasunaren eta Herritarren Partaidetzaren Batzordean bere proposamenak azaltzen. Bertan esan zuenez, Arartekoak ez du gizartea "ikaratzen" duen krisia edo "ekonomia konpondu" behar, baina arauak "gizalegez, duintasunez eta zentzuz "aplikatzea bermatu behar du.
Bilbotarrak herri-defendatzailearen aurrekontua eta egitura "arreta handiz" aztertzeko konpromisoa hartu zuen. Horrela, dirua aurrezteko bide posibleak bilatuko ditu, baina erakundearen "eraginkortasuna galdu gabe".
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.