CUPen proposamena: hiruzpalau presidente eta emakume gehiago
Hiruzpalau buruzagidun "presidentetza anitza", emakume gehiago izango dituena, eta Artur Mas jarduneko presidentea "politikoki lurperatuko" ez duena. Horratx CUP alderdi ezkerzale eta antikapitalistak irailaren 27ko hauteskundeen ondotik osatu behar den gobernu berrirako proposamena. Iragarpena Anana Gabriel alderdiko bigarrenak egin du gaur, Catalunya Radio irrati katean egin dioten elkarrizketa batean.
"Erakundeak demokratizatzen ari garela eta zeharkakotasuna badagoela" adierazi behar da, Gabrielen hitzetan, eta hori, "indar eta garrantzi bera izango duten hiruzpalau presidenterekin" lortuko litzateke.
"Buruan dugu nor egon daitekeen ezohizko gobernu honen presidentetzan", aitortu du, baina negoziazioetan izenik eman ez dutela azpimarratu du.
Presidentetzarako hautagaien izenak aipatzen direnean, emakumeak aintzat hartzen ez direla kritikatu du Gabrielek: "Zerrendako lehenengo postutik (Junts Pel Siri erreferentzia eginda) hirugarrena pasatzen dira, eta hirugarrenetik, bosgarrenera. Emakumeak alde batera uzten dituzte".
CUPeko buruzagiaren hitzetan, "gaitasun handiko emakumeak daude Katalunian, eta benetan berria den zerbait egiten ari garela adieraziko genuke".
"Ez dugu Mas politikoki lurperatu nahi"
Junts Pel Si zerrenda bateratuarekin egiten ari diren negoziazioetan Mas presidente ez izateko baldintza jarri ote duten galdetuta, ezezko borobila bota du Gabrielek. CUP "presio eta mehatxupean" dagoela ohartarazi du, "gure erruz prozesuak kale egingo duela leporatu digute", esan du. "Adostasunerako borondate guztia dugu, ordea", erantsi du.
Gabrielen hitzetan, "ez dugu inor politikoki lurperatu nahi, ez dugu Masen heriotza politikoa eskatu", argitu du. "Hitz egin dezagun eduki dezakeen paperaz", esan du.
Independentziaren bidaia orria
Negoziazioetan, subiranotasun prozesuan eman beharreko pausoez ere proposamena egingo du CUPek. Espainiako hauteskundeak egin baino lehen, independentziarako bidean "atzera ez egiteko" konpromisoa hartzea galdegingo du, "Estatuaren menpe" ez geratzeko.
Hala, Parlamentuak independentziaren bidea abiatzearen adierazpena onartu beharko luke eta Espainiarekiko "deskonexio politiko eta legala" egiteko proposamenak hartu beharko lituzke, hala nola, Wert Legeari desobeditzea.
"Mezua argia bidali behar dugu, independenteak garela adierazten duena", borobildu du.
du du.Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.