Espainiak nazio aniztasuna ez aitortzea salatu dute Urkulluk eta Masek
Artur Mas Generalitateko jarduneko presidenteak eta Iñigo Urkullu lehendakariak salatu dutenez, estatu espainiarraren arazoen muina iturburuan dago, hots, nazio aniztasuna ez aitortzean. Horien esanetan, hauteskunde orokorren ondoren amaiera eman behar zaio "inposizioan eta elkarrizketa gabezian oinarritutako" politikagintzari.
Masek eta Urkulluk bilera egin dute Bartzelonan, Kataluniak eta Euskal Selekzioak larunbat honetan Camp Nou zelaian jokatu duten adiskidantzazko futbol partidaren amaieran. Ordubete inguruko iraupena izan duen batzarrean abenduaren 20ko hauteskunde orokorren osteko egoera politiko berria hizpide izan dute, eta bileraren amaieran oharra kaleratu du Generalitateak.
Oharrak dakarrenez, bi agintariek egiaztatu dute "Estatu espainiarraren arazoak ez daudela bakarrik Madrilen Gobernu egonkorra osatzeko beharrezko gehiengoei lotuta, Estatu espainiarraren beraren nazio aniztasunaren aitortza faltari baizik".
Urkulluren eta Masen iritziz, azken hauteskundeek agerian utzi dute "aniztasuna eta, ondorioz, amaiera eman beharko litzaioke inposizioan eta elkarrizketa ezean oinarritutako politikagintzari".
Are gehiago, abenduaren 20ko hauteskunde emaitzek "estatu espainiarraren egitura arazo larriak konpontzeko aukera" eman beharko luketela uste dute.
Madrilen Gobernua osatzeko negoziazioei dagokionez, biek ala biek ohartarazi dute "marra gorri eta beto proposamenak" nagusitzen ari direla "konponbideen" aurrean. Ildo horretan, salatu dute ez dutela akordioetara heltzeko borondaterik ikusten, ez alderdi politiko nagusien artean eta ezta Estatuko beste botereen artean ere.
Bestalde, Kataluniaren eta Euskadiren errealitateak ezberdinak direla nabarmendu ondoren, Generalitateak, Eusko Jaurlaritzak, Kataluniako Parlamentuak edota Eusko Legebiltzarrak egindako proposamenen eta eskaeren aurrean erantzun falta dagoela adierazi dute.
"Hauteskundez hauteskunde, agerian gelditzen dira Estatu konplexu baten barne egituraketak arazoak", esan dute. Gainera, "aniztasun hori aitortzeko eskaerei konponbidea eman beharrean, kontrako bidea egiten du (Estatuak), batasunarena eta birzentralizazioarena, alegia".
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.