Kongresuko alderdiekin bigarren bilera-sortari ekin dio erregeak
Espainiako Gobernua osatzeko presidentegaiaren bila, Kongresuan ordezkaritza lortu duten alderdiekin (ERC eta EH Bildu kenduta) bigarren bilera-sortari ekin dio goizean Felipe VI.a erregeak. Aurreko hitzorduan bezala, diputatu gutxien eskuratu dituzten alderdietako ordezkariak hartu ditu hasteko: Pedro Quevedo Nueva Canarias alderdiko eleduna eta Isidro Martinez Oblanca Foro Asturiaskoa.
Quevedok erregeari jakinarazi dionez, Pedro Sanchezen alde egingo du buruzagi sozialistak presidente izateko hautagaitza aurkezten badu. Atzo bertan eman zuen horren berri Nueva Canariaseko kideak. Mariano Rajoyk hautagaitza aurkezteari uko egitea "harrigarria" dela esan du Quevedok, eta "prozesu hau oker erabiltzea" leporatu dio.
Hauteskundeak berriro egitearen kontra agertu da PSOErekin batera aurkeztu zen alderdi horren bozeramaileak; izan ere, hauteskundeak berriro egin behar izateak "min handia egingo lioke Gorteen izen onari". Horren ustez, "bada gobernu berri bat osatzeko baldintzarik, baina erantzukizunez jokatu behar dugu".
Quevedo hartu ondoren, Foro Asturias alderdiko Isidro Martinez Oblancarekin izan da erregea. Honek Mariano Rajoyren aldeko botoa emango lukeela jakinarazi dio Felipe VI.ari, eta susperraldi ekonomikoari lagunduko dion gobernu baten aldekoa dela azpimarratu du.
Arratsaldean, Coalicion Canaria alderdiko eledunarekin bildu da Felipe VI.a.
Asteartean amaituko du bilera-sorta, astearte arratsaldean Rajoy hartuta, eta Patxi Lopez Kongresuko presidentearekin bilduko da ondoren, balizko presidentegaiaren izena jakinarazteko.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.