Titiriteroak espetxetik atera dira
Ismael Moreno Auzitegi Nazionaleko epaileak karguekin libre utzi ditu Madrilgo inauterietan egindako haurrentzako antzerki batean ETA eta Al Kaida goratzea egotzita espetxeratu zituen titiriteroak, Fiskaltzak ordu batzuk lehenago eskaera hori egin ostean.
Ihes egiteko eta delitua errepikatzeko arriskurik ez dagoela iritzita egin du Fiskaltzak eskaera. Hala ere, ustez terrorismoa goratzeagatik leporatutako delituak mantendu ditu epaileak bi titiriteroen aurka.
Epaileak ontzat eman ditu Raul Garcia Perez eta Alfonso Lazaro de la Torre titiriteroek espetxeratze aginduaren aurka jarri zuten helegitea.
Dena dela, titiriteroak egunero joan beharko dira epaitegira, eta Espainiako Estatutik ateratzea debekatu diete, pasaportea kenduta. Akusatuen defentsaren argudioak entzun ostean, epaileak uste du lotura familiarraren ondorioz, ez dirudiela "Justizia saihesteko" asmorik dutenik.
Bi artistak 17:45ean atera dira Soto del Real espetxetik. Hogei bat lagun izan dituzte zain. Txaloka eta pozik hartu dituzte, besarkadak emanez.
Espetxetik aterata, nahiago izan dute adierazpenik ez egitea. Haien abokatuak, berriz, karguak erretiratzeko ahalegina egingo dutela iragarri du, inolako deliturik egin ez dutelakoan.
Manuela Carmena: "Albiste oso ona da"
Epailearen erabakiaren berri izan aurretik, Manuela Carmena Madrilgo alkatea pozik agertu da Fiskaltzak iritziz aldatu eta bi atxilotuak libre uzteko eskaera egin duelako. "Albiste oso ona da", adierazi du.
Hala ere, gertakari honek eragindako polemikak bere horretan jarraitzen du eta Carmenak gaur ere kritikak jaso ditu. Celia Mayer Kultura zinegotziaren alderdiak (Ganemos Madrid) uste du Carmenak "balentria" gehiago erakutsi behar zuela bi titiriteroak babesterakoan.
Bestalde, Madrilen, Cibeles plazan, 200 bat lagunek elkarretaratzea egin dute bi akusatuei elkartasuna adierazteko. "Artistak dira, ez terroristak" bezalako leloak oihukatu dituzte.
Horrez gain, joan den astearte goizaldean Poliziak gazte bat identifikatu zuen Ourenseko inauterietan, titiriteroz jantzita, 'Gora Alka-ETA' lelodun kartel bat soinean eramateagatik.
Poliziak kasua Ourenseko epaitegiaren esku utzi zuen, terrorismoa goratu ote zuen argitu dezan.
n argitu dezan. n argitu dezan.Zure interesekoa izan daiteke
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.