Batasuna eta ETA gizateriaren aurkako krimenengatik ikertuko dituzte
Ezker abertzaleko 22 kide eta ETAko 19 buruzagi ikertuko ditu Argentinako Justizia, 1994tik 2004ra arte egindako krimenengatik, besteak beste, Rufi Etxeberria, Tasio Erkizia eta Karmelo Landa buruzagi abertzale historikoak, Adolfo Araiz EH Bilduko parlamentari nafarra edo Iñaki de Renteria, Txapote, Txeroki, Kantauri eta Soledad Iparragirre Anboto ETAko buruzagiak.
Dignidad y Justicia biktimen elkarteak helegitea aurkeztu zuen eta orain Ganbera Kriminal eta Korrekzional Federalak onartu egin du. Justizia unibertsala oinarri hartuta, Jose Luis Caso eta Manuel Zamarreño (PP) Errenteriako zinegotzien hilketak ikertzeko eskatu zion elkarteak Argentinako Justiziari. ETAk Caso eta Zamarreño 1997ko abenduaren 11n eta 1998ko maiatzaren 25ean hil zituen, hurrenez hurren.
ETAk 2004ko urriaren 1etik aurrera egindako krimenak gizateriaren aurkakoak balira bezala ikertzea onartu zuen Auzitegi Nazionalak, delitu mota hori Zigor Kodean barneratu zutenean, Miguel Angel Rodriguez Arias Dignidad y Justiciako abokatuak azaldu duenez.
Hala ere, ETAk lehenago “hilketen eta sarraskien 377 biktima” utzi zituela gogorarazi du Rodriguez Ariasek. “Espainian ustez preskribatu diren ETAren 100 hilketa baino gehiagoren artean, bat berarekin ez litzateke gauza bera gertatuko Argentinan, gizateriaren aurkako krimenak bezala onartuko balitu”, nazioarteko zuzenbideko adituak erantsi duenez.
Zoni Argentinako fiskal federalak kereila aurrera eramateko aukerarik ez zegoela esan zuen, eta epaileak auzia ixtea erabaki zuen.
Orain, ostera, Eduardo Guillermo Farah, Martin Irurzun eta Horacio Cattani Ganberako magistratuek erabaki hori bertan behera utzi dute, prozedurak Argentinako Konstituzioan jasotako eskubide eta bermeei eragiten dielako.
Ikertuen zerrenda luzea
Hala, Tasio Erkizia, Itziar Aizpurua, Maria Jose Andueza, Karlos Rodriguez, Gorka Martinez, Juan Pedro Plaza, Juan Maria Olano, Mati Iturralde, Jose Luis Elkoro, Alberto de Lorenzo, Joseba Alvarez, Jose Maria Olarra, Mikel Arregi, Joseba Martin, Rufi Etxebarria, Koldo Castañeda, Karmelo Landa, Floren Aoiz, Adolfo Araiz, Antton Morcillo, Koldo Celestino eta Amaia Bao ikertuko ditu Argentinako Justiziak.
Era berean, Ignacio Miguel Gracia Arregi Iñaki de Renteria; Jose Javier Arizkuren Ruiz Kantauri; Maria Soledad Iparragirre Anboto; Asier Oiarzabal Baltza; Julian Atxurra Egurola Pototo; Juan Luis Agirre Lete Isuntza; Mikel Albisu Iriarte, Mikel Antza; Vicente Goikoetxea Barandiaran Willy; Jokin Etxebarria Lagisquet, Carlos Ibarguren Agirre Nervios eta Juan Carlos Iglesias Gadafi gizateriaren aurkako krimenengatik ikertuko dituzte.
Azkenik, Javier Garcia Gaztelu Txapote; Juan Antonio Olarra Guridi; Ainhoa Mugika Goñi; Ramon Sagarzazu Gaztelumendi; Félix Ignacio Ezparza Luri Navarro; Juan Fernandez Iradi Susper; Garikoitz Aspiazu Rubina Txeroki eta Aitzol Iriondo Gurbitz ere ikertuen zerrendan daude.
Zure interesekoa izan daiteke
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.