Zergatik da garrantzitsua Udal Legea?
Udal Legea EAEko udalerrien aldarrikapen historikoa da, eta 35 urte behar izan dira adostua izateko. Euskadi tankera horretako lege bat ez duen erkidego bakarra da Estatuan.
Legeak udalen eskuduntzak eta finantziazioak arautzen ditu, eta, besteak beste, ezartzen du udalek "ahotsa eta botoa" izango dutela Finantzen Euskal Kontseiluan, hau da, diru-sarrerak nola banatu erabakitzen duen erakundean (Eusko Jaurlaritzak eta aldundiek osatzen dute).
Orain arte, Euskadiko Udalen Elkarteak (Eudel) parte hartu izan du erakunde horretan, baina boto ahalmenik gabe.
Orain, lehen aldiz, udalek ere parte hartuko dute EAEko baliabide ekonomikoen banaketan.
Bestalde, udalek izan ditzaketen 37 eskuduntza ere zehaztu dituzte.
Horren ildotik, urtebeteko epean ikerketa bat egingo dute, udalek egun dituzten eskuduntzen egoera aztertzeko. Ondoren, Ekarpenen Legea erreformatzean, kontuan izango dute udalen lana finantziazioak ezartzeko.
Legearen sustatzaileek azaldu dutenez, arauak "konpondu" egingo ditu Larrialdi Sozialeko Laguntzekin sortutako arazoak, eta mantendu egingo ditu euskaltegiak eta musika eskolak.
Laguntza sozialei dagokienez, diru-sarreren bermerako sistema osoa erreformatzea aurreikusten dute. Hori egin bitartean, baina, behin-behineko konponbide bat adostu dute, Jaurlaritzaren baliabideak agortu eta gero dirua jarri behar duten udalek ekarpenaren zati bat bueltan jaso dezaten.
Lege proiektuak herri kontsulta lotesleak egin ahal izatea ere baimenduko du, betiere udalen eskuduntzen arloetan.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.