Iglesiasen eta Errejonen aurkako auzia artxibatu egin dute berriz
Auzitegi Gorenaren Zigor Aretoak ez du onartu Manos Limpiasek Pablo Iglesias Podemoseko idazkari nagusiaren, Iñigo Errejonen eta beste kide batzuen aurka aurkeztutako kereila, Iranek eta Venezuelak diru-laguntzak eman zizkietelakoan, "egindakoa ez delako delitua".
Zehatz-mehatz, epaia sinatu duten bost epaileek esan dute kereilan jasotako gertaerak ez direla garrantzitsuak, zigor kodearen ikuspuntutik, eta, hortaz, ezin da onartu "ez dagoelako jasota gertakarien zantzurik eta, hori dela eta, artxibatu egin behar da".
Bigarren aldia da, Iranek eta Venezuelak legez kanpoko diru-laguntzak eman zizkietela leporatuta, Manos Limpiasek kereila aurkezten duela Iglesiasen, Errejonen eta beste bost lagunen aurka, langileen eskubideen kontrako delituak, desobedientzia, organizazio kriminal baten kide izatea, bidegabeko jabetzea, administrazio ez leiala, influentzia-trafikoa, funtzionario-eroskeria, partikularren arteko ustelkeria eta Ogasun Publikoaren aurkako delituak egitea leporatuta.
PISA (Pablo Iglesias Sozietate Anonimoa) deitutako txostenaren gainean ere aritu da Gorena. Txostenean Iranek eta Venezuelak ustez emandako diru-laguntzak jaso dituzte eta, Manos Limpiasen arabera, Poliziaren Zuzendaritza Orokorreko Zuzendaritza Ondoko Operatiboak egin du. Gorenaren arabera, txostenean "hedabideetako informazioan jasota" dago eta gogorarazi egin du horrek -informazioak- ezin duela justifikatu prozesu judiziala abiatzea.
Halaber, gaineratu duenez, Manos Limpiasek esandakoak ere ez du betetzen baldintza hori, ez daudelako "elementu objektibo batek egiaztatuta".
Izan ere, Auzitegi Gorenaren Fiskaltzak "baieztatu gabeko" informazio bildumatzat jo zuen PISA txostena, eta, epaiek esan bezala, horrek ezin duela prozesua abiaraztea justifikatu.
Pablo Iglesiasi egotzitako delituei dagokienez, epaiak berretsi egin du Manos Limpiasek 2015eko otsailean jarritako berdinak direla eta, aurreko horretan ere, artxibatu egin zuten kereila.
Aretoak, Fiskaltzak aurretik esan bezala, kereila artxibatzea erabaki du, Manos Limpiasek aurrekoaren berdina delako, datu berriak ekarri gabe.
Zure interesekoa izan daiteke
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.
Espainiako Gobernuak indultu partziala eman dio Laura Borras Kataluniako Parlamentuko presidente ohiari
Kataluniako Letren Institutuaren zuzendari zen garaian hainbat kontratu publiko modu irregularrean esleitzeagatik lau urte eta sei hilabeteko kartzela zigorra ezarri zion Kataluniako Auzitegi Nagusiak, baina auzitegiak berak indultua emateko eskatu zuen, espetxera sartzea saihesteko. 13 urteko inhabilitazioa eta 36.000 euroko isuna ere ezarri zizkioten, eta zigor horiek ez dizkiote kendu.
Amaitu egin da Kitchen auziaren epaiketa, lau hilabeteren ostean
Lau hilabetean zehar, 100 lekukok baino gehiagok deklaratu dute, eta epaiaren zain gelditu da prozesua.