'Sakabanaketa politika ankerra' salatu du Sortuk
Espainiako eta Frantziako estatuak egiten ari diren "sakabanaketa politika ankerra" salatu du Amaia Izko Sortuko bozeramaileak, eta, horri eutsiz, "Euskal Herrian irekitako bake prozesua zapuztu" nahi izatea egotzi die bi gobernuei.
Alderdi abertzaleak deituta, elkarretaratzea egin dute Bilbon, Frantziako kontsulatuaren aurrean, Fresnes eta Osny udalerrietako kartzeletan dauden euskal presoen egoera salatzeko. Kontzentrazioa amaitutakoan, adierazpenak egin ditu Izkok, eta dagokion agintaritzari zuzendutako gutuna utzi du kontsulatuan, Itziar Moreno presoaren egoeraz ohartarazita.
Horren hitzetan, "herri mobilizazioa da espetxe politika anker honekin amaitzeko eta euskal preso politiko guztiak etxera ekartzeko" gakoa.
Itziar Morenoren "isolamendu" egoera hizpide, Fresnesko espetxean dauden presoek duela 11 egun gose greba hasi zutela esan du Izkok. Asteazkenean, berriz, Osnyko espetxean dauden beste lau presok abiatutako "elkartasun protestak" gogorarazi du Sortuko bozeramaileak.
"Sortuk bere elkartasun osoa adierazi nahi die guztiei. Euskal preso politikoei ezartzen zaien isolamendua eta sakabanaketa politika ankerrak salatu nahi ditugu", esan du abokatuak.
Ezker abertzaleko buruzagiaren ustez, neurriok "eskubide urraketa eta mendekua" dute oinarri, eta "Euskal Herrian irekitako bake prozesua zapuztu eta gatazka politikoaren konponbidea eragoztea" dute helburu.
Izkok nabarmendu duenez, "Euskal Herriko jendarte eta eragile gehienak dispertsioa eta salbuespeneko neurrien aurka" azaldu diren arren, Espainiako eta Frantziako estatuek bere horretan utzi dituzte. Horri aurre egiteko, mobilizazioak "ezinbestekoak" direla azpimarratu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.