Jaurlaritza: 'Iñigo Cabacas biktimatzat jotzea keinu humanitarioa da'
Iñigo Cabacas 'Bizitza Eskubidearen Urraketen Udal Erretratuak' izeneko biktimei buruzko dokumentuan sartu izana haren familiarenganako “keinu humanitarioa” dela eta Ertzaintza ez duela errudun jotzen azaldu die Eusko Jaurlaritzak Ertzaintzako sindikatuei.
Jaurlaritzak Iñigo Cabacas biktimen zerrendan sartu izanak hautsak harrotu ditu Ertzaintzan. Esan, Euspel eta Sipe sindikatuak erabaki horren kontra agertu dira, Polizia autonomikoaren aurkako “iraina” dela iritzita.
Iñigo Cabacas 2012an hil zen Bilbon, Athleticen partida baten ostean Ertzaintzak jaurtitako gomazko pilota batek buruan jota. Gertakaria oraindik ikerketa judizialpean dago.
Estefania Beltran de Heredia Segurtasun sailburua eta Jonan Fernandez Bake eta Bizikidetzarako idazkari nagusia Ertzaintzako sindikatuekin (ErNE, ELA, Esan, Sipe, CCOO eta Euspel) bildu dira gaur Gasteizen, azalpenak bertatik bertara emateko.
Jaurlaritzak jakinarazi duenez, batzar horretan ertzainen eta haien senideen biktimen elkarteko bi ordezkari ere izan dira.
“Keinu humanitarioa”
Jonan Fernandezen esanetan, biktimen erretratuak bi zatitan banatu dituzte. Lehendabizikoan, “bizitza eskubidea urratu dela baieztatu ahal izan direnak agertzen dira”; bigarrenean, berriz, “oraindik argitu gabe edo ikerketa judizialpean daudenak agertzen dira”.
Iñigo Cabacas bigarren talde horretan dagoela zehaztu du, baina “horrek ez du inor erredun egiten, ikerketa amaitu gabe duen kasu baten aurrean aurkitzen garela adierazten du”.
“Iñigo Cabacasen izena aipatzea familiarenganako keinu humanitarioa da, sufrimendu handia pairatzen ari baitira”, esan die Fernandezek Ertzaintzako sindikatuei.
ErNEren kritikak
Bileran, ErNEk Ertzaintzako "langile guztien" sentimendua helarazi nahi izan die Jaurlaritzako arduradunei, eta "errugabetasun presuntzioaren urraketa" salatu du, Cabacas auzian ikertzen ari diren ertzainek pairatzen dutena, hain zuzen.
Cabacasen heriotza txostenean sartu izana "Sailak hartutako jarrerarekin kontrajarria" dela berretsi du, zeren "Gervasio Gabirondo Ertzaintzaren zuzendariak gauzak gaizki egin zirela aitortu badu ere, ez dugu ulertzen nola zuzendari horrek berak Ertzaintzaren lantalde haren burua ertzainburu izendatu zuen eta sailburu honek berak berretsi duen".
"Ertzaintza Polizia torturatzailea dela dioen txosten partzial bat ikusi dugu, kasuak Ertzaintzan edo judizialki nola salatu diren aztertu gabeko kasuak agertzen dira", gaitzetsi du.
Zure interesekoa izan daiteke
Espainiako Gobernuak uste du posible dela 500 neska Penintsulara eramatea "aste gutxiren buruan"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat idatziko duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.