Bildarratz, Iñarritu eta Rodriguez senatari autonomiko hautatu dituzte
Eusko Legebiltzarrak Jokin Bildarratz (EAJ), Jon Iñarritu (EH Bildu) eta Tontxu Rodriguez (PSE-EE) senatari autonomiko izendatu ditu gaurko osoko bilkuran.
Lehendabiziko bozketan, Jokin Bildarratzek 28 jeltzaleetatik 27ren babesa jaso du; izan ere, legebiltzarkide jeltzale batek Jon Iñarrituri eman dio babesa lehen bozketan aukeratua izan zedin. Beraz, Jon Iñarrituk koalizioko 18 kideren eta EAJko legebiltzarkide baten aldeko botoa jaso du. Luis Alejos Elkarrekin Podemoseko hautagaiak eta Tontxu Rodriguez sozialistak, berriz, beren alderdikideen babesa soilik jaso dute.
Bigarren itzulian, ordea, Tontxu Rodriguezek jeltzaleen aldeko botoa jaso du eta senatari autonomiko aukeratu dute.
Bildarratzek eta Rodriguezek senatari karguan errepikatuko dute. Bestalde, Jon Iñarritu Amaiurreko diputatu ohiak Iñaki Goioaga ordezkatu du Senatuan.
Urtarrileko bigarren hamabostaldia balioduna izango da Eusko Legebiltzarrean
Urtarrileko bigarren hamabostaldia balioduna izango da Eusko Legebiltzarrean, Bozeramaileen Batzordeak EH Bilduk eta Elkarrekin Podemosek eskatu ondoren hala erabakita. Ondorioz, tarte horretan ohiko osoko bilkurak, kontrol saioak eta batzordeen bilerak "normaltasun osoz" egin ahal izango dira.
Legebiltzarreko araudiaren arabera, urtarrila hilabete baliogabea da, baina legebiltzarkideen herenak balioduna izatea eska dezakete. Legebiltzarreko Mahaiak behin betiko onespena eman beharko dio erabakiari.
Albiste gehiago politika
Sanchezek ustelkeriaren aurkako neurri sorta “handia” eramango du Kongresura, “konfiantza berreskuratzeko” asmoz
Horixe jakinarazi du Felix Bolaños Espainiako Presidentzia, Justizia eta Gorteekiko Harremanen ministroak, “milioika espainiar atsekabetuta, triste eta desengainatuta” sentitzea ulertzen duela azaldu aurretik.
Asensio “ziur” dago Cerdanen auziak ez duela PSE-EEko inor zipriztinduko
Miguel Angel Morales Antolakuntza idazkariaren izena UCOren txostenetan omen dagoela dioten informazioen aurrean, “urte hauetan Moralesek herriari egin dion zerbitzua” defendatu du Jose Ignacio Asensiok Euskadi Irratiko “Faktoria” saioan egindako elkarrizketan, eta ziur agertu da, "PSE-EEko inori buruz ez baita ezer aterako”.
Antxon Alonsok, Servinabar enpresan Cerdanen ustezko bazkideak, astelehen honetan deklaratuko du Auzitegi Gorenean
PSOEko Antolakuntza idazkari ohiaren eta EAJko eta EH Bilduko kargudunen artean bitartekari lanak egin zituen pertsona ere bada.
Otegi: "Ohore bat da, Euskal Herritik ez zarete pasatuko"
EH Bilduko idazkari nagusiak argi utzi du "ohorea" dela Alderdi Popularrak koalizioaren aurka "babes-hesia" ezartzea.
Gobernura iristen bada, Feijook ez dio osasun-hesirik jarriko ez Voxi, ez PSOEri, EH Bilduri baino ez
Alderdi Popularraren XXI. Kongresu Nazionalaren amaieran egindako hitzaldian, Sanchezen aurkako hitzak izan ditu nagusi, eta "zentraltasuna alde batera utzi" eta Sanchezek alderdia, herrialdea eta gutxiengoak "mendean hartu nahi" dituela leporatu dio, bai eta Espainia nazio anitza dela "ahaztu" izana ere.
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.