Protesta jendetsua eta anitza Baionan, Luhusoko atxiloketak salatzeko
Baionako karrikak jendez lepo egon dira larunbat arratsalde honetan ostiral gauez Luhuson (Lapurdi) egindako polizia-operazioaren barruan atxilotu zituzten bost pertsonak aske utz ditzatela eskatzeko. Lau mila pertsona bertaratu omen dira hainbat iturrik zabaldu dutenez; polizia-iturrien arabera, berriz, bi mila.
Manifestazioa 16:00etan atera da, eta hura zabaltzen baserritarren hainbat traktore abiatu dira. Haien segidan martxaren pankarta joan da, eta bertan honako lelo hau irakur zitekeen: Bakearen alde! Liberté pour les artisans de la paix! (Askatasuna bakegileentzat!). Aipatu pankartari, besteak beste, LAB eta ELA sindikatuetako idazkari nagusiek (Ainhoa Etxaide eta Adolfo Muñoz, hurrenez hurren) eutsi diote.
Argazkia Franck Dolosor
Aipatutakoekin batera ordezkaritza politiko zabal eta anitza izan da bertan; hala nola, Max Brisson, Frantziako eskuinaren ordezkari gorena Ipar Euskal Herrian; Colette Capdevielle eta Sylviane Allaux, diputatu sozialistak; Maddalen Iriarte, Euskal Herria Bilduko parlamentaria Eusko Legebiltzarrean eta Joseba Agirretxea, EAJren ordezkaria Kongresuan.
Martxan zehar Michel Berhocoirigoin, Jean-Noël Etcheverry, Betrice Molle, Michel Bergougnan eta Stéphane Etchegaray aske uztearen aldeko oihuak entzun ahal izan dira.
Manifestazioaren aurretik, Ipar Euskal Herriko joera politiko guztietako hautetsiek manifestu bateratua sinatu dute; tartean, Baionako eta Biarritzeko alkate zentristek. Adierazi dute asko direla atxilotuek hasitako bidean jarraitzeko prest daudenak. Horrez gain, Frantziako eta Espainiako gobernuei armagabetzea ahalbidetzeko eskatu diete.
Bestalde, Joseba Agirretxea diputatuak esan duenez, EAJk "hasiera batetik aldebakarreko, egiaztatutako eta bermeak zituen armagabetzearen alde egin zuen". "Bide horri edozein oztopo jartzea kaltegarria da Euskal Herriaren bakerako eta etorkizunerako", nabarmendu du.
Adolfo Muñoz ELAko idazkari nagusiak ere deklarazioak egin ditu komunikabideen aurrean, "armagabetzea nahi dugu, bakea", adierazi du. Armagabetzearen aurkako benetako oztopoa Frantziako Estatua dela ohartarazi du, "Espainiako Gobernuaren agenda jarraitzen du, eta odolarekin batera bizitzera ohituta dago hura".
Argazkia Franck Dolosor
Egunean zehar hainbat izan dira Frantziako poliziak, Guardia Zibilaren laguntzarekin batera, gauzatutako operazioaren aurrean agertutako erreakzioak. Horrela, EAJ, EH Bildu eta Ahal Dugu alderdien aburuz, aipatu atxiloketek zaildu egiten dute armagabetze-prozesua. Aldiz, Frantzia eta Espainiako gobernuek babestu egin dute poliziaren jarduera. Eusko Jaurlaritzak, bere aldetik, "behin betiko eta baldintzarik gabeko armagabetzea egiaztatzeari" babesa erakutsi dio berriro.
Zure interesekoa izan daiteke
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.