Barrenetxeak torturak salatu zizkiola esan du auzitegiko medikuak
Guardia Zibilaren esku zegoen bitartean eta Auzitegi Nazionaleko epailearen aurretik igaro baino lehen Sandra Barrenetxeari bisita egin zion auzitegi medikuak deklaratu du ostegun honetan epaiketako hirugarren saioan. Bere deklarazioa azaldu duenez, tratu txarrak eta mehatxuak jasan zituela esan zion, baina berak ez zuen horren zantzurik antzeman.
Bizkaiko Lurralde Auzitegian, lau guardia zibil akusatuen aulkian jesarri dira hirugarren egunez, Sandra Barrenetxeari ustez egindako torturak argitzeko epaiketan. Barrenetxea 2010eko irailean atxilotu zuten, beste zortzi lagunekin batera, Ekineko kide izatea egotzita.
Defentsak, Jone Goirizelaia abokatuak, 19na urteko kartzela-zigorra eskatu du guardia zibilentzat: 10 urte, sexu erasoengatik; 6, torturengatik; eta 3, lesioengatik. Fiskaltzaren eta Estatuko Abokatuaren ustez, agenteek ez zuten deliturik egin, eta absoluzioa eskatu dute.
Epaiketan peritu gisa deklaratu duen auzitegi medikuak Sandra Barrenetxeari bisita egin ostean 2010eko irailaren 14tik 17ra bitartean egin zituen txostenak berretsi ditu. Instrukzio epailearen aginduz, tarte horretan egunean bi bisita egin zizkion.
Akusazio partikularraren galderei erantzunez auzitegiko medikuak adierazi duenez, jasotako torturen eta mehatxuen testigantza eman zion. Zehatz mehatz esanda, urtarrilaren 14an buruan eta aurpegian kolpeak jaso zituela esan zion eta hilaren 15ean, berriz, kolpeez gain, poltsa, ukituak eta bortxaketa mehatxua salatu zituen. Hilaren 16ko bisitan, ostera, hainbat orduz zutik egotera behartu zutela eta mehatxatu egin zutela adierazi zion.
Azken bisita hilaren 17ko arratsaldean egin zion Auzitegi Nazionaleko ziegan eta kasu horretan ez zion tratu txar salaketarik egin.
Auzitegiko medikuaren esanetan, Sandra Barrenetxeari ez zion lesio zantzurik antzeman eta, oro har, ez zuela aztertua izan nahi. Gaineratu uenez, hilaren 15ean tentsio eta pultsua hartu zizkion eta balore normalak zituen. Fiskalaren galderei erantzunez azpimarratu duenez, ikuspegi medikoa eta psikikoa aintzat hartuta Barrenetxea 'normal' zegoela ondorioztatu zuen.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.