Armagabetze egunean 'bakearen milaka artisau' egoteko deia egin dute
Ikusmin handia zegoen gaur Baionan 'bakearen artisauek' deituta zuten agerraldia dela eta. Antolatzaileek iragarri bezala, ez dute apirilaren 8ko armagabetze ekitaldiaren xehetasunik eman, baina bertan parte hartzeko deia egin dute. "Apirilaren 8an bakearen artisauak milaka izanen gara", esan dute.
Iparraldeko 50 bat hautetsi eta "pertsona ezagunen" babesarekin, Mixel Berhokoirigoin Luhusoko operazioan atxilotutako 'bakearen artisau'etako batek gidatu du agerraldia. Berhokoirigoinen esanetan, "hemen gaudenak gara bakearen artisauak, eta etorri ezin izan direnak, baina gehiago izanen gara". Hala, prozesuan parte hartzeko deia egin du.
Biktima guztien aitortza eta erreparazioa eskatu dute. Bakoitzak bere ardurak hartu behar dute. Apirilak 8 milaka izateko deia egin dute
? Franck Dolosor (@FranckDolosor) 23 de marzo de 2017
Nabarmendu duenez, armagabetzeak "osoa, segurtatuta, egiaztatua eta baldintza politikorik gabea" behar du izan. 'Bakearen artisau' horren hitzetan, armagabetzea "ez da bukaera izanen, bakearen bidearen hasiera baizik". Bide horretan, "biktima guztien aitortza eta erreparazioa, presoak eta elkarbizitza" kontuan hartu beharko direla azpimarratu du.
Apirilak 8ko hitz ordua prestatzen ari dira, Baionan izanen da. Behin betiko bakea nahi dute. Hautetsi asko, anitza pic.twitter.com/SWbfgAnLU0
? Franck Dolosor (@FranckDolosor) 23 de marzo de 2017
Aurreikusi bezala, prentsaurrekoan ez dute apirilaren 8ko ekitaldiaren xehetasunik eman. Gauza bakarra argitu dute: Baionan izango da. Kazetarien galderei erantzunez, Berhokoirigoinek esan du nahiko luketela armagabetzea "botere publikoekin" egitea, eta prozesuko "partaide guztiekin harremanetan" daudela aitortu du, gehiago zehaztu gabe; izan ere, "goizegi" da ezer esateko. "Ez da beranduegi, dena da posible", gaineratu du.
Marine Le Penen Fronte Nazionaleko kideek izan ezik, Frantziako alderdi politiko guztietako hainbat ordezkari eta hautetsik eman diote babesa armagabetzeari.
Kotte Ezenarro Hendaiako auzapezak kazetarien aurrean egindako adierazpenetan azaldu duenez, Frantziako Barne ministroarekin hitz egin du eta Frantziako Gobernuak eta Espainiakoak ez diote oztoporik jarriko prozesuari. Horren esanetan, Gobernuak harremanetan ari dira "dena ondo joan dadin".
Bestalde, Maite Irazoqui Atxik Berrituz kristau elkarteko kideak mezua irakurri du "bake artisauen" izenean. Ziurtatu duenez, 'bakearen artisauen' ekimenak ikuspuntu berriak zabaldu ditu, eta bake prozesuak aurrera egiteko inplikatzea ezinbestekoa dela azpimarratu du. Ildo horretan, inplikatzeko eskatu die gobernuei.
Irazoquiren esanetan, armagabetzea ezinbestekoa da indarkeriarik gabeko agertoki bat lortzeko.
Zure interesekoa izan daiteke
Pradalesek autoritarismoaren gorakadaz ohartarazi eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte ‘Montejurrako gertakarietatik’: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.