Urkullu: Ertzaintzari buruzko akordioak aldebikotasuna bermatzen du
Ertzaintzaren lanpostuak berritzeko Espainiako Gobernuarekin lortutako akordioaren biharamunean, "zoriontzeko" eguna dela uste du Iñigo Urkullu lehendakariak. Horren esanetan, "akordio honek aldebikotasuna bermatzen du autogobernuaren alorrean". Ildo horretan, autogobernuari dagozkion gai guztiak "aldebikotasunean oinarrituta" konpontzea nahiko lukeela erantsi du.
#UrkulluTopaketa izeneko ekimenean egin ditu adierazpenok lehendakariak. Herritarrek sare sozialen bitartez egindako galderei erantzuten jardun du Urkulluk, eta Ertzaintzaren inguruko akordioaz galdetu diotenean, pozik agertu da.
EAJk atzo iragarri zuenez, Ertzaintzaren Lan Eskaintza Publikoak (LEP) desblokeatzeko akordioa lortu dute jeltzaleek eta Espainiako Gobernuak. Itun horri esker, Ertzaintzaren 25. eta 26. promozioek aurrera egingo dute. Gaur du onartzekoa Ministro Kontseiluak ordezkatze tasak betetzeko dekretua.
Urkulluk azaldu du Ertzaintzaren LEPetan zehaztutako lanpostu kopurua 2004an ezarri zuela Jaurlaritzak, "euskal herritarren segurtasuna bermatze aldera". Erabaki hark Legebiltzarreko talde "ia guztien" babesa izan zuen, lehendakariaren hitzetan.
Horren esanetan, "arazoa" Espainiako Gobernuak Ertzaintzaren 25. eta 26. promozioaren aurkako helegitea aurkeztu zuenean etorri zen, eta lortutako akordioak "promozioen bideragarritasuna bermatu" egingo duela gaineratu du.
Lehendakariak argitu duenez, Ertzaintzaren ordezkatze tasek ez dute "zerikusirik" Funtzio Publikoaren tasekin, Segurtasun Batzordean hitzartutakoei baitagokie.
>
Zure interesekoa izan daiteke
Pertur omendu dute Irunen, haren desagertzearen 50. urteurrenean
"Pertur. Egia nahi" lemapean, ETA politiko-militarreko buruzagi izandakoaren senideek gogorarazi dute kasua ez dela preskribatu, eta ikertzen jarraitzeko eskatu dute.
Plus Ultra konpainiaren presidenteak eta kontseilari delegatuak dimisioa eman dute
Aste honetan onartu dute Auzitegi Nazionalean 530.000 euro ordaindu zituztela Zapateroren eta Zapateroren kidearen bitartekaritzaren truke; horren ostean hartu dute dimisioa aurkezteko erabakia.
Euskara gatazkatik urruntzeko eskatu du Pradalesek: "Hizkuntzak denok behar gaitu"
Imanol Pradales lehendakariak adierazi du euskararen aurrerapausoak ez direla "inposaketatik" etorriko, eta datozen hamarkadetan euskara biziberritzeko bide berri bat irekiko duen "Jauzia gara" ekimena aipatu du.
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.