Frantziaren eta Espainiaren jarreran aldaketa sumatu du Foro Sozialak
Foro Sozial Iraunkorraren aburuz, nolabaiteko "eboluzio positiboa" izan da Espainiako eta Frantziako gobernuen eta PPren jarreran ETAren armagabetzea iragarri zenetik, eta hala jarri dezatela espero dute, "gutxienez" apirilaren 8ra arte, armagabetzea efektibo egingo dutenean.
Foro Sozialaren iritziz, talde armatuaren armagabetzea "bake prozesuaren zerbitzura egon behar da"; horrez gain, bertako kideek uste dute "agertoki berriak" Espainiako eta Frantziako gobernuen espetxe politiketan aldaketak ekarri beharko lituzkeela, horrela ez egitea "ulergaitza" izango balitzateke.
ETAren armen ematea eta presoen dispertsioaren amaiera bultzatzeko 2013an sortu zen foro horretako hainbat ordezkarik agerraldia egin dute gaur Donostiako Aiete Jauregian. Bertan, "bakearen artisauek" egindako lana aitortu dute, "haiek egindako ekimen politiko nabarmenak agertoki berriari bide eman baitio".
Aldi berean, azken hilabeteetan Euskadiko eta Nafarroako gobernuek eta Euskal Elkargo sortu berriak izandako "eskuzabaltasuna" goraipatu dute, baita alderdi politiko, sindikatu eta gizarte zibilarena ere.
"Nola jokatu behar zuten jakin dute egoera zehatz baten aurrean", adierazi dute Begoña Uharte (euskaraz), Anaiz Funosas (frantsesez) eta Agus Hernan (gaztelaniaz) Foro Sozialeko ordezkariek.
Ezagutzen ditugu "prozesu horrek igaro dituen une zailak". "Mesfidantza bueltan zegoela zirudien aste horietan, aktore guztiek, isilpekoa eta eramankorra izan den lanarekin, apustu egiten jakin dugu agertoki honetara iritsi arte", azpimarratu dute.
Nabarmendu dutenaren arabera, apirilaren 9an "behin betiko amaituta geratuko da" gatazkatik konpondu gabe zegoen auzietako bat, eta ETA "armarik gabeko erakunde bat izango da".
Foru Sozialaren aburuz, hemendik aurrera "babestu" egin behar da arlo horretan "lortutako adostasun zabala", eta beste batzuk erdietsi behar dira honako gai hauen gainean: "biktima guztiei ordaina eta aitortza ematea, bizikidetza, memoria, presoak eta iheslariak etxera itzultzea eta giza eskubideak".
"Arrapaladan igarotzen ari diren asteak bizitzen ari gara, aste historikoak. Ez dugu etsiko, eta lan egiten jarraituko dugu gatazkak eragindako ondorio guztiek konponbidea izan dezaten arrazoizkoak diren parametroen barruan, eta gudazkoak eta mendekuzkoak diren logikak alde batera utzita". Gure aitona-amonek 1936an izan zuten esperientziak argi erakusten du logika horrek ez du bermatzen errepikatuko ez denik".
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.