Erabakitzeko eskubidearekin hitzordua, Busturialdean eta Arrigorriagan
Gure Esku Dago (GED) erabakitzeko eskubidearen aldeko herri plataforma herri-galdeketak egiten ari da gaur Bizkaiko 18 udalerritan, joan zen martxoaren 19an beste 35 udalerritan (Gipuzkoako 34tan eta Bizkaiko batean) egin zuten legez. Lehen partehartze datuen arabera, herritarren % 11k eman dute botoa, 12:00etarako.
GEDk hedabideei igorritako ohar baten bidez adierazi duenez, ekimena Busturialdeko 17 udalerritan (Ajangiz, Arratzu, Bermeo, Busturia, Ea, Ereño, Errigoiti, Forua, Gautegiz-Arteaga, Gernika-Lumo, Kortezubi, Mendata, Morga, Murueta, Muxika, Nabarniz eta Sukarrieta) eta Arrigorriagan egingo dute.
09:00etan zabaldu dituzte boto-kutxak toki horietan guztietan, eta ordu horretan Gure Esku Dago ekimeneko bozeramaileek eguneko lehen agerraldia egin dute Bermeon. «Azpimarratu nahi dugu Busturialdean eta Arrigorriagan jada irabazi dugula. Herritar denon aldeko urrats handi bat egin dugu. Erabakitzea demokrazia baita, demokrazia besterik ez. Dei egiten diegu 18 herrietan botoa emateko aukera duten eta 16 urte baino gehiago dituzten herritar guztiei parte hartzera. Erabakitzen hasi gara, eta erabakitzen jarraituko dugu», azpimarratu dute.
Jose Antonio Ardanza lehendakari ohia, botoa ematen
Erantzun beharreko galderak ez dira berdinak izango herri guztietan; hala, Arrigorriagan «Izan gura duzu euskal estatu independente bateko herritarra?» galderari erantzun beharko diote hautetsontzietara bertaratzen direnek.
Busturialdean galdera aldatu egiten da udalerriaren arabera:
Mendatan eta Errigoitin: «Nahi duzu Euskal Herri burujabe bateko herritar izan?».
Arratzun: «Euskal herritarra izanik, geure etorkizuna erabakitzeko eskubidearen alde zagoz?».
Ajangiz, Busturia, Morga, Gernika-Lumo, Forua, Ereño, Muxika, Murueta, Gautegiz-Arteaga, Nabarniz, Kortzebi, Bermeo eta Ean: «Nahi al duzu izan euskal estatu independente bateko herritar?».
Guztira, GEDek dioenez, 16 urtetik gorako eta bozkatzeko moduan izango diren 51.249 herritar zenbatu dituzte. Bozketa egiteko 37 hautesleku irekiko dituzte, 45 mahairekin, 09:00etatik 20:00etara.
Emaitzak Gure Esku Dagok zentralizatuko ditu. Webgune ofizialean argitaratuko eta eguneratuko dira parte hartze datuak egunean zehar; 12:30etan, 17:00etan eta 20:15ean.
Behin betiko emaitzak, aldiz, prentsa ohar bidez jakinaraziko dituzte 22:00ak aldera, aurreikusi dutenez.
Zure interesekoa izan daiteke
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.