44 urteko zigorra Aginagalde eta Larretxeari, Uria hiltzea leporatuta
Espainiako Auzitegi Nazionalak 44 urteko kartzela-zigorra ezarri die Beñat Aginagalde eta Joanes Larretxeari, 2008ko abenduaren 3an Inaxio Uria enpresaburua hil izana leporatuta. “EAEn Abiadura Handiko Trena (AHT) eraikitzeko zuen erantzukizunagatik eta zerga iraultzailea ordaindu ez izanagatik” hil zutela esan zuen ETAk.
Epaimahaiaren arabera, “Ertzaintzak egindako ikerketaren txostenari jarraiki ez dago zalantzarik ETAren ‘Ezuste’ komandoko kideak izan zirela Inaxio Uria hil zutenak”.
Arrazoi horregatik, Auzitegi Nazionaleko epaimahaiak ondorengo delituak leporatzen dizkie akusatuei: hilketa terrorista (25 urte), legez kanpoko atxiloketa terrorista (12 urte), helburu terroristekin auto bat lapurtzea (4 urte eta erdi) eta helburu terrorista zuten kalteak (2 urte eta erdi). Era berean, Inaxio Uriaren alargunari eta seme-alabei 400.000 euroko kalte-ordaina eman beharko diete Aginagaldek eta Larretxeak.
2008ko abenduaren 3an ‘Ezuste’ komandoko kideak Uriaren enpresaren inguruan, Loiola auzoan (Azpeitia), itxaron zutela frogatutzat eman du epaimahaiak.
Autoan sartu zenean “komando horretako kide batek enpresaburua tiroz hil zuen”, epaimahaiaren arabera. Jarraian, aurretik lapurtutako auto batean egin zuten ihes. Auto horren jabeari eskuak lotu zizkioten, ihes egin ez zezan.
ETAk bere gain hartu zuen Inaxio Uriaren hilketa, Abiadura Handiko Trenaren (AHT) lanetan zuen erantzukizunagatik eta zerga iraultzailea ordaindu nahi ez izanagatik.
Talde horri bost atentatu egitea leporatu diete, eta Isaias Carrasco PSE-EEko zinegotzi ohia hiltzea leporatuta Aginagalderi 32 urteko kartzela-zigorra ezarri diote. Manez Carrascok ere parte hartu zuela esan zuen Auzitegi Gorenak.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.