Eusko Legebiltzarrak gaitzetsi egin du Espainiako Aurrekontuen proiektua
Ostegun honetan, Eusko Legebiltzarrak gaitzetsi egin du Espainiako 2017rako Aurrekontu Orokorren proiektua. EH Bilduk, Elkarrekin Podemosek eta PSE-EEk aurrekontu proiektuaren kontra bozkatu dute, eta EAJk eta Alderdi Popularrak ez dute proposamen horren alde egin. Hala, sozialistak eta jeltzaleak ez dira bat etorri, EAJk eta PSE-EEk gobernu akordioa sinatu zuten arren.
EH Bilduk eta Elkarrekin Podemos alderdiek Espainiako Aurrekontu Orokorren proiektuaren inguruko proposamen bat aurkeztu zuten Eusko Legebiltzarrean, eta, ostegun honetan egin duten bozketan, sozialistek egindako osoko zuzenketaren lehen aldaketa onartu dute.
Gauzak horrela, Espainiako Aurrekontu Orokorren inguruko proiektua gaitzetsi dute Legebiltzarrean, azken urteotako austeritate politika eta murrizketak berresten dituela iritzita. Gainera, aurrekontu horiek ez dietela herritarren beharrei erantzun ematen, sektore publikoa kaltetzen dutela eta lan erreformak bultzatzen dituztela azaldu dute.
Larraitz Ugarte EH Bilduko legebiltzarkidearen esanetan, Defentsara eta Euskal Y-a bezalako “azpiegitura erraldoietara” bideratutako aurrekontua nabarmen handitu du Espainiako Gobernuak. Gauzak horrela, Rajoyk bake eta konponbide agertokira gerturatzeko proposamenik ez duela kritikatu du. Halaber, Lomce eta Kataluniarentzat irtenbide demokratikorik ez duela gaineratu du.
Bestalde, Jon Hernandez Elkarrekin Podemoseko alderdikideak azaldu duenez, 24 ordu eman ditu PSE-EErekin hitz egiten, alderdi horren babesa lortu eta aurrekontuak Euskadirentzat eta espainiar Estatuarentzat txarrak direla argi esan ditzan Legebiltzarrak. Ildo horretatik, Elkarrekin Podemos alderdiarekin bat egin aurretik EAJrekin sinatutako gobernu akordioari garrantzia handiagoa eman diotela esan du.
Susana Corcuera sozialistaren hitzetan, aurrekontuek espainiarrei eta euskal herritarrei kalte egiten dietelako gaitzetsi dituztela azaldu du. Halaber, Espainiako Gobernuak egoera ekonomikoa hobetuko dela esan arren, herritarren egoerak ez duela hobera egingo esan du.
Joseba Egibar EAJko legebiltzarkidearen esanetan, “Espainiarrek Rajoy aukeratu zuten, eta euskaldunek lehendakaria”. Ildo horretatik, Espainiako Gobernuak EAJrekin negoziatzeko behar handia zuela agerikoa dela esan du, eta Kongresuan gehiengoa zuenean oposizioko alderdiak gutxietsi zituela gaineratu du. Halaber, gainontzeko alderdiek egindako proposamenak faltan bota dituela kritikatu du.
Beste alde batetik, Anton Damborrenea Alderdi Popularreko kideak esan du gaurkoa ez dela eztabaida berria izan. Halaber, EAJ eta PPren akordioa dela eta EH Bilduren helburu nagusia atzamarra begian sartzea dela esan du. Era berean, Elkarrekin Podemosek atzamarra PSEri begian sartu nahi diola ziurtatu du (Eusko Jaurlaritzan baitago).
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.