EAJk berriro irabaziko luke Donostian, zinegotzi bat gehiago lortuta
Euzko Alderdi Jeltzaleak (EAJ) beste behin irabaziko luke Donostian, udal hauteskundeak gaur egingo balira. Hala azaleratu da EiTB Focus lanean, Euskal Irrati Telebistak (EiTB) boto-asmoari eta gaur egungo beste hainbat gairi buruz galdetzeko Euskal Autonomia Erkidegoan eta Nafarroan egin duen ikerketan.
Makroinkesta Gizaker enpresak egin du EiTBrentzat. Gipuzkoako hiriburuan bizi diren 400 pertsonari galdetu zaie boto-asmoaren inguruan, azken udal hauteskundeak egin zirenetik bi urte igaro ondoren, hau da, udalen legealdiaren erdian.
EAJk berriz ere irabaziko lituzke udal hauteskundeak Donostian, bere aldeko botoen ehunekoak gora eginda eta zinegotzi bat gehiago eskuratuta. PSE-EEk bigarren postuari eutsiko lioke, zinegotzi kopuru bera (7), baina botoen ehuneko gutxiagotuta. Atzetik baina oso gertu, EH Bilduk jarraituko luke, lau hamarren berreskuratu, baina gaur egungo 6 ordezkariei eutsirik. PPk zinegotzi bat eta zortzi hamarren galduko lituzke. Irabazik, aldiz, gora egingo luke apur bat, agintaldi honetako bi ordezkariak berriro lotuta.
Donostiarrek, batez beste, 10etik 6ko nota eman diote gaur egungo udal taldearen lanari, eta % 78k 5etik gorako nota eman diote.
Gipuzkoako hiriburuko politikaririk ezagunena Eneko Goia alkatea da, 6,1eko nota erdietsita. Ondoren, EH Bilduko Amaia Almirall agertzen da. Hain zuzen, horiek biak dira gutxienez nahiko lortu duten bi ordezkari bakarrak. Amaia Martin Irabazi Donostiako kideak 4,9 jaso du, eta Ernesto Gasco PSE-EEkoak, 4,7. Miren Albisturri (PP) 4,2ko nota jarri diote.
Fitxa Teknikoa
EiTB FOCUS inkestatik atera dira datuak; EAEn eta Nafarroan bizi diren 2.350 pertsonarekin hitz eginda. Emaitza nagusiak galdekatutako udalerrien biztanleriaren arabera haztatu dira.
Donostiari buruzko datuak 400 pertsonari itaunduta lortu dira, eta laginaren akats-tartea ±%4,90ekoa izan da.
Landa-lana 2017ko maiatzaren 16tik 20ra egin da elkarrizketak telefonoz eginez.
Zure interesekoa izan daiteke
"Immobilismoa ez da aukera bat", ohartarazi dio Sumarrek Sanchezi, eta aldaketak eskatu dizkio berriro
Ernest Urtasunek adierazi duenez, legealdiko une "oso larria" da, PSOEri eragiten dioten ustezko ustelkeria kasuak eta buruzagi sozialisten aurkako sexu-jazarpen salaketak direla eta.
Sanchez Junquerasekin (ERC) bilduko da urte hasieran, legegintzaldian aurrera nola egin aztertzeko
Juntsi dagokionez, Pedro Sanchezek aitortu du Kataluniako alderdiarekin "harremana hautsita" dagoela, baina akordioak betetzeko "erabateko borondatea" agertu du.
Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.
Aske utzi dute CAFen aurkako protestan atxilotutako laguna
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek "egia, justizia eta erreparazioa" galdegin dituzte bertan, eta euskal erakundeei "akuilu" gisa aritzeko eskatu diete auzia behingoz argitzeko.
CAFen aurkako protesta egin dute Donostian, eta Israelekin negoziorik ez egiteko eskatu diote
Euskotrenen geltokian egin dute protesta, eta trenen zirkulazioa eten dute zenbait minutuz, trenbidearen gainean pankartak jarrita. Joseba Alvarez protestarien ordezkariak azaldu duenez, “ezin da horrelako proiektu bat aurrera eraman sionismoarekin kolaboratu gabe”, eta horregatik eskatzen diote CAFi bertan behera uzteko Israelekin egindako trenen proiektua.
Sanchezek gobernatzen jarraitzeko nahia agertu du, "egoera zail hau gorabehera"
Caceresen egindako mitin batean, buruzagi sozialistak azpimarratu du PSOE "irmotasunez eta gardentasunez" aritu dela ustelkeria eta sexu-jazarpen kasuen aurrean. Sumar koalizio gobernuko kideak eta inbestidurarako beste bazkide batzuek, EAJk kasu, auzitan jarri dute gobernagarritasuna, eta Sanchezen gaineko presioa areagotu dute.
Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.