PP lehen indarra Gasteizen, zinegotzi bat galduta; EAJk, bi gehiago
Alderdi Popularrak (PP) Gasteizen lehen indar politikoa izatea lortuko luke berriro, udal hauteskundeak gaur egingo balira. Hala ondorioztatu du EiTB Focus lanak, Euskal Irrati Telebistak (EiTB) boto-asmoari eta gaur egungo beste hainbat gairi buruz galdetzeko Euskal Autonomia Erkidegoan eta Nafarroan egin duen ikerketak.
Makroinkesta Gizaker enpresak egin du EiTBrentzat. Arabako hiriburuan bizi diren 400 pertsonari galdetu zaie boto-asmoaren inguruan, aurreko udal hauteskundeak egin zirenetik bi urte igaro direnean, hau da, udalen legealdiaren erdian.
Gasteizen, PPk irabaziko lituzke berriro udal hauteskundeak, baina zinegotzi bat eta botoen % 4,5 galduko lituzke.
Hala ere, PPren eta EAJren arteko aldea murriztu egingo litzateke, PPk EAJk baino zinegotzi bat eta botoen % 3,5 gehiago lortuko bailituzke. Jeltzaleek bi ordezkari eta 5,6 puntu gehiago eskuratuko lituzkete.
EH Bildu hirugarren indarra bihurtuko litzateke, botoen ehuneko eta zinegotzi kopuru bera eskuratuta. PSE-EEk lau jarleku eta ia botoen ehuneko bera jasoko lituzke, eta Sumando-Podemosek bi ordezkariei eutsiko lieke, botoen % 0,5 galdu arren. Irabazi, berriz, ordezkaririk gabe geratuko litzateke, sei hamarren behera eginda.
Arabako hiriburuko gaur egungo udal gobernuak 5,6ko balorazioa lortu du, batez beste, eta galdetutakoen % 69,9k 5etik gorako nota jarri dio.
Gorka Urtaran alkatea eta Miren Larrion EH Bilduko ordezkaria dira nahiko lortu duten bakarrak; 5,3ko nota jaso dute biek.
Oscar Fernandez Irabazi alderdikoa eta Jorge Hinojal Sumando-Podemos alderdikoa 5etik gertu geratu dira, 4,8 eta 4,6 lortuta, hurrenez hurren. Isabel Martinez PSE-EEko kideak 4,3 jaso du eta Leticia Comeron PPko ordezkariak, 3,4.
Fitxa Teknikoa
EiTB Focus inkestatik atera dira datuak, eta EAEn eta Nafarroan bizi diren 2.350 pertsonarekin hitz eginda lortu dira. Emaitza nagusiak galdekatutako udalerrien biztanleriaren arabera haztatu dira.
Gasteizen gaineko datuak 400 pertsonari itaunduta lortu dira, eta laginaren akats-tartea ±% 4,90ekoa izan da.
Landa-lana 2017ko maiatzaren 16tik 20ra egin da elkarrizketak telefonoz eginez.
Zure interesekoa izan daiteke
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek euskara Nafarroako berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.