EiTB Focus: Boto-asmoa, udal eta foru legealdiaren erdigunean
Hego Euskal Herriko gizarteak ontzat jo du EAEko eta Nafarroako erakundeen kudeaketa. Espainiako Gobernuak, aldiz, ez du azterketa gainditu. Gizaker inkesta-etxeak EiTBrentzat egindako azken galdeketak utzitako ondorio nagusienetako bat da. EiTB Focus makroinkesta honetan, 2.350 pertsonari egin zaizkie galderak, Araban, Gipuzkoan, Bizkaian eta Nafarroan.
Euskal Autonomia Erkidegoan eta Nafarroan boto-asmoari buruzko datuak bildu dira, udal eta foru hauteskundeak izan zirela bi urte igaro direnean. ETAren armagabetzeaz eta gaurkotasunari buruzko beste hainbat gairen inguruan ere jaso da iritzia.
Ostegun honetan, herritarrek erakundeei buruz duten iritzia eta EAEko hiru hiriburuetako udaletarako boto-asmoaren berri eman dute; ostiralean, Arabako, Bizkaiko eta Gipuzkoako batzar nagusietako boto-asmoari buruzkoak zabalduko dira; eta asteburuan, Nafarroako Gobernuari eta Iruñeko Udalari dagozkienak. ETAren armagabetzeaz herritarrek duten iritzia, berriz, astelehenean emango du jakitera EiTB Focusek.
Erakundeen jarduerari dagokionez, gizarteak ontzat eman du Eusko Jaurlaritzaren eta Nafarroako Gobernuaren kudeaketa, eta gaitzetsi egin du Espainiako Gobernuarena.
Herritarren % 83k ontzat eman dute Eusko Jaurlaritzaren kudeaketa, 10etik 6,2ko nota jarri baitiote, batez beste.
Nafarroako Gobernuari 5,6ko nota jarri diote herritarrek, batez beste: % 72k onetsi egin dute haren kudeaketa.
Udalen kudeaketari buruzko balorazioari dagokionez, Euskal Autonomia Erkidegoko hiru hiriburuetako kudeaketa ontzat ematen dute herritarrek, Bilbokoa izanik nota altuena lortu duena 10etik 6,8 balorazioa eskuratuta. Ondoren, Donostiako Udala dago 6ko notarekin, eta, azkenik Gasteizkoa, 5,6ko notarekin.
Boto-asmoa Bilbon, Donostian eta Gasteizen
EAJk berriro irabaziko luke Bilbon eta Donostian, botoen ehunekoa handituta eta zinegotzi gehiago lortuta EAEko hiru hiriburuetan. Gasteizen, berriz, PPk irabaziko luke.
Galdeketaren arabera, hiriburuetako hiru alkateek gainditu dute azterketa, eta herritarren % 90ek ezagutzen dituzte.
Bilbon, EAJk 14 zinegotzi lortuko lituzke, gaur egun dituenak baino bat gehiago. Horrela, Iñaki Azkunak izan zuen gehiengo osoa lortzeko ordezkari bakarrera geratuko lirateke jeltzaleak.
Donostian ere, EAJk irabaziko lituzke udal hauteskundeak, botoen ehunekoa hazita eta zinegotzi bat gehiago lortuta.
Gasteizen, PPk irabaziko luke berriro, zinegotzi bat galduko lukeen arren.
Fitxa teknikoa
EAEn eta Nafarroan bizi diren 2.350 pertsona (400 Gasteizen eta 150 Arabaren gainerakoan; 400 Bilbon eta 200 Bizkaiaren gainerakoan; 400 Donostian eta 200 Gipuzkoaren gainerakoan; 350 Iruñean eta 250 Nafarroaren gainerakoan).
La= ± % 2,02, konfiantza-maila: % 95, p=q=0´5, datu orokorretarako, ±% 2,34 EAEko datuetarako, ±%4,00 Nafarroako datuetarako, ±%4,18 Arabako datuetarako, ± % 4,00 Bizkaiko datuetarako, ±%4,00 Gipuzkoako datuetarako, ±% 5,24 Iruñeko datuetarako, ±% 4,90 Gasteizko datuetarako, ±%4,90 Bilboko datuetarako eta ±% 4,90 Donostiako datuetarako.
Lurralde historiko, udalerri, sexu eta adinaren arabera geruzatutako zorizko lagina.
Inkesten % 15,3 euskaraz egin dira eta gainerako % 84,7a gaztelaniaz.
Inkesta egindako udalen populazio-tamainagatik haztatutako erabateko emaitzak.
Landa-lana 2017ko maiatzaren 16tik 20ra egin zen telefono bidezko elkarrizketa bitartez.
Inkesten batez besteko iraupena 9,2 minutukoa izan zen; motzenak 6 minutu iraun zituen, eta luzeenak 23 minutu.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.