Konstituzionalak atzera bota du erreferenduma azkar tramitatzeko helegitea
Auzitegi Konstituzionalak arbuiatu du Kataluniako Gobernuak aurkeztutako helegitea, eta, hortaz, erreferenduma azkar tramitatzeko Kataluniako Parlamentuak onartutako araudi-aldaketak indargabetuta jarraitzen du.
Konstituzionalaren iturriek zehaztu dutenez, ordubete eman dute eztabaidatzen Kataluniako Gobernuak aurkeztutako helegitea; Generalitatek uste zuen ‘eskubide-abusua’ zegoela Espainiako Gobernuak araudiaren aldaketaren harira egindako inpugnazioan.
Erabakia aho batez hartu dute; izan ere, Konstituzionalak uste du gauza bat bakarrik eztabaidatu ahal dela, hau da, erreformarako prozedurak baldintza guztiak bete dituen ala ez.
Uztailaren 31n utzi zuen bertan behera Konstituzionalak Kataluniako Parlamentuak onartutako aldaketa, Mariano Rajoyren Gobernuaren helegitea ontzat hartuz. Erabaki horren aurka, helegitea jarri zuen Kataluniako Gobernuak.
Legearen tramitazioa ez dute eztabaidatu
Konstituzionala bildu aurretik, Kataluniako Parlamentuaren Mahaiak ez du eztabaidatu Erreferendumaren Legearen tramitazioa; arau horrekin nahi dute babestu independentistek urriaren 1eko erreferenduma.
Junts pel Sik eta CUPek uztailaren 31n erregistratu zuten erreferendumaren legearen proposamena; bazirudien gaurko Mahaian eztabaidatuko zutela, gai-zerrendan sartuta, baina ez da horrela gertatu.
Espainiako Gobernuak iragarri zuen abuztuaren hasieran helegitea aurkeztuko zuela Konstituzionalaren aurrean, Mahaiak lege horren tramitazioa onartu bezain laster.
Zure interesekoa izan daiteke
"Gogoak batzeko" deia egin du Sarek presoen aldeko urtarrileko manifestazioa "azkena" izan dadin
Arabak trenbide sektorea berritzeko zentro teknologikoa izango du Laudion
Kataluniara itzultzeko aukera zabaldu dio Puigdemonti Auzitegi Konstituzionalak, bidegabeko erabilera delituari amnistia eman dio eta
Kongresuak behin betiko kendu dio prentsa-akreditazioa Vito Quilesi
Akordio zabalak aipatu bai, baina gero ezezkoa bozkatzea aurpegiratu dio Estebanek Otegiri
Anduezak hauteskundeei begira egotea leporatu die EH Bilduri eta "bereziki" EAJri
Ceutako eta Melillako mugetan segurtasuna indartuko dutela iragarri du Marlaskak, zabaldu diren deialdien ondorioz
Rufianek Mazoni: "Uste dut kartzela besterik ez duzula merezi, inutila, giza hiltzaile arduragabea eta psikopata zara"
Zapateroren bi alabek ikertu gisa deklaratuko dute azaroaren 30ean, Plus Ultra auziagatik
