Sanchezek negoziazioa eskatu dio Rajoyri; Riverak, 155. artikulua baliatzea
Carles Puigdemont Generalitateko presidentearekin “berehala” negoziatzen hasteko eskatu dio gaur Pedro Sanchez PSOEko buruzagiak Mariano Rajoy Espainiako Gobernuko presidenteari. Era berean, krisia aztertzeko “indar politiko guztiekin” hitz egitea eskatu dio, “anbizioarekin eta inor baztertu barik”.
Sanchez Moncloa jauregian bildu da Rajoyrekin. Urriaren 1ean Katalunian gertatutakoaren ostean, “elkarrizketa inoiz baino beharrezkoagoa da”, buruzagi sozialistaren ustez, PSOEk agiri batean azaldu duenez.
Rajoyren eta Sanchezen arteko bilerak ordu eta erdi iraun du. “Kataluniako krisi instituzionala konpontzen laguntzeko PSOEren borondatea” agertu dio Sanchezek Rajoyri.
Bileran, erreferenduma eragozteko Poliziaren kargak errefusatu ditu PSOEko idazkari nagusiak, “ehunka zauritu utzi dituztelako”.
Bilera amaitu ondoren, buruzagi sozialistak ez du Moncloan agerraldirik egin, eta agiri baten bidez eman ditu horren inguruko azalpenak.
Albert Rivera Ciudadanoseko buruzagia eta Mariano Rajoy Espainiako Gobernuko presidentea, Moncloa jauregian. Argazkia: EFE
Konstituzioaren 155. artikulua hauteskundeak deitzeko erabiltzea eskatu dio Riverak Rajoyri
Bestalde, Albert Rivera Ciudadanoseko presidenteak Konstituzioaren 155. artikulua aplikatzea eskatu dio Rajoyri, Kataluniaren autogobernua bertan behera uzteko eta hauteskundeak deitzeko. “Demokraziaren aurkako kolpearen bahiketa bukatzeko” eskatu du Riverak.
Rivera ere, Moncloan bildu da Espainiako gobernuburuarekin, eta bilerak ordu eta laurden iraun du.
Ciudadanoseko buruzagiaren hitzetan, “proposamen argia, zehatza eta demokratikoena da” Kataluniako herritarrei “ahotsa itzultzeko”.
Hauteskundeak Espainiako Gobernuak deitu behar ditu, kataluniar guztiak “lasai eta patxadaz” hautetsontzietara joan ahal izateko.
Rajoyk adostasuna eskatu die
Sistema demokratikoaren defentsan, PP, PSOE eta Ciudadanosen arteko adostasuna mantentzeko asmoa berretsi du Mariano Rajoy Espainiako Gobernuko presidenteak. Bi alderdien proposamenak “erantzukizunez eta leialtasunez” aztertzeko konpromisoa hartu du agintariak.
Bileren ostean, agiria kaleratu du Exekutiboak.
Zure interesekoa izan daiteke
Nafarroako Gobernuak larrialdiko 2. maila ezarri du eklipsea dela eta
Foru Gobernuak Larrialdietarako Aholku Batzordea ere eratu du, eta 1.165 kidek osatutako segurtasun-dispositiboa jarriko du martxan.
Ertzaintzako sindikatuek agenteen aurkako erasoak gaitzetsi dituzte, bitarteko gehiago eskatuz
ErNE, Euspel eta Sipe sindikatuek salatu dutenez, polizia bati eraso egitea ezin da "normal" bihurtu. Hortaz, "babes instituzionala" eta lantaldea indartzea eskatu dute.
Bilboko aireportuak ausazko kontrolak egiten dizkie Italiatik datozen bidaiariei, gorabeherarik gabe
Neurria larunbat honetan aktibatu da, eta irailaren 7ra arte iraungo du, Italiako Gobernuak Espainiatik datozen bidaiarientzako Schengen eremua bertan behera uzteko dekretuari erantzuteko.
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.