Senatuak larunbatean erabakiko du 155. artikulua ezartzeko egutegia
Espainiako Gobernuak ezohiko bilera egingo du larunbat goizean, Katalunian ezarri nahi dituen neurriak erabakitzeko. Batzar hori amaituta, egun berean, Senatuko Mahaia batzartuko da Espainiako Konstituzioaren 155. artikulua tramitatzeko egutegia eta prozedura zehazteko.
EFE albiste-agentziak zabaldu duenez, Pio Garcia-Escudero Senatuko presidenteak dagoeneko deitu Mahaiaren bilera.
Senatuko Mahaia Alderdi Popularrak, Alderdi Sozialistak eta EAJk osatzen dute, eta Garcia-Escudero berak zuzentzen du.
Ganbera horretako araudiaren arabera, lehendabizi Espainiako Gobernuaren errekerimendua tramitatu behar da eta horretarako bi aukera daude: Autonomia Erkidegoetako Batzordea deitzea eta auzi honetarako batzorde bateratu bat eratzea. PPk bigarren aukera nahiago du.
Bigarren batzorde horretan Espainiako Gobernuaren neurriek eragina izango luketen esparruetako gaiak jorratzen diren batzordeetako senatariak egongo lirateke. Gutxienez, Batzorde Konstituziogileko ordezkariak egongo dira.
Errekerimendua eta alegazioak
Senatuko Mahaiak erabakiko du batzorde hori noiz bilduko den, baina ez da astearte arratsaldean edo asteazken goizean izango, egun horietan ohiko saioak deitu dituztelako.
Nolanahi ere, batzorde hori gutxienez birritan batzartu beharko da.
Lehendabizikoan, Carles Puigdemonti errekerimendua egingo dio Espainiako Gobernuak, eta Generalitateko presidenteak alegazioak aurkezteko aukera izango du, dokumentazioa bidalita, bertara joanda edo batzordean bera ordezkatuko duen beste pertsona bat izendatuta.
Dokumentu guztiak bildu eta testigantza guztiak entzun ostean, bigarren bilera bat egingo du batzordeak, Espainiako Gobernuak egindako proposamena tramitera onartu ala ez erabakitzeko.
Teorian, Senatuak ahalmena dauka Espainiako Gobernuak proposatutako neurriak aldatzeko, baina praktikan ez da horrelakorik gertatuko, Ganbera horretan gehiengo absolutua Alderdi Popularrak duelako.
Ezohiko osoko bilkura
Batzordeko izapideak amaituta, Espainiako Gobernuaren neurriak Senatuko osoko bilkuran bozkatu eta onartuko dituzte. Esan bezala, PPko senatarien aldeko botoak nahikoa izango dira, Mariano Rajoyk PSOEren eta Ciudadanosen babesa izan nahi du.
EFE albiste-agentziaren arabera, ezohiko osoko bilkura hori urriaren 30ean edo 31n izango da.
ong> izango da.Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.