'Ikara gainditu eta indarkeriaz hitz egitea' eskatu diete gazteek nagusiei
Gazteak terrorismoaren biktimekin bildu dira gaur. “Beldurra gainditu” eta Euskal Herrian bizi izandako “indarkeriaz hitz egiteko” eskatu diete gazteek nagusiei.
Gogora institutuak ekitaldia egin du gaur Bilboko egoitzan, Memoriaren Egunean. Protagonismoa 21 gaztek izan dute. Ikastetxeetan biktimekin egindako bileretan parte hartu zuten gazteek duela zenbait ikasturte. Iñigo Urkullu lehendakaria ekitaldian izan da.
Indarkeria terrorista “tabu” gai bat dela kritikatu dute gazteek, “inork ez duelako inon indarkeriaz hitz egiten”, “ezta orain ere, nahiz eta arorik gogorrena aspaldi atzean utzi”. “Oraindik ez dago pentsamolde ‘berririk’ eta hitz egiteko beldur gara”, adierazi dute.
Terrorismoa ia ezagutu ez zuten gazteen ahotan, “hitz egiten ez baldin bada, ez dugu ezer jakingo, eta ez dugu ezer ikasiko, berriro ez errepikatzeko”. Horregatik, “guztia kontatu beharra dago”, azpimarratu dute. Gazteak burbuila batean bakarturik ezin dituztela izan erantsi dute, gaur oraindik “gauzak pasatzen” ari direlako, nahiz eta terrorismorik ez izan.
“Kanpora atera beharra dago”, esan dute gazteek. Bestalde, senitartekoen hilketa barkatzeko biktimen gaitasunak gazteak txunditu ditu.
“Memoria kritikoa”
Ekitaldian, “biktimak oroitzeko eta aintzat hartzeko memoria kritikoa” defendatu du lehendakariak, gertatutakoa “sekula ez errepikatzeko”.
Gogoraren ekitaldian alderdi guztietako ordezkariek parte hartu dute, PPkoek salbu. Eusko Jaurlaritzako zenbait kide, Andoni Ortuzar eta Idoia Mendia EAJ eta PSE-EEko buruzagiak, hurrenez hurren; Bakartxo Tejeria Eusko Legebiltzarreko presidentea eta Juan Luis Ibarra EAEko Auzitegi Nagusiko presidentea, besteak beste, bertan izan dira.
Zure interesekoa izan daiteke
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".