Urkulluk autogobernuari buruzko akordio 'anitz eta zabala' proposatu du
Espainiako Gobernuaren asmo zentralizatzaileen aurrean, EAEko estatus politikoa erreformatzeko akordio "anitz eta zabala" lortzearen alde egin du Iñigo Urkullu lehendakariak, eta gero akordio hori oinarri hartuta, euskal gizarteari "proposamen zehatza" helaraztea, berrets dezan.
Autogobernua garatzeko dituen asmoen inguruan Pello Urizar EH Bilduko legebiltzarkideak egindako galdera bati erantzunez egin ditu adierazpenok Urkulluk, Eusko Legebiltzarrean gaur egin duten kontrolerako saioan.
Rafael Catala Espainiako Justizia ministroak berriki esandakoak gogorarazi dizkio Urizarrek lehendakariari. Autonomien eskuduntzak Espainiako Gobernuaren esku berriro geratzearen aukera iradoki zuen ministroak.
EH Bilduko legebiltzarkideak ohartarazi duenez, "egoerak okerrera egingo du, eta herri bezala prest egon behar gara erantzuteko". Urizarren hitzetan, Kataluniako auziarekin Espainiako Gobernuak agerian utzi du "herri moduan ditugun eskubideak urratzeko gai" dela.
Autogobernuaren defentsa
Espainiako Konstituzioaren 155. artikulua ezartzearen kontra azaldu da Urkullu, eta Catalaren adierazpenak ere "oso larriak" direla adierazi du.
Ingurumaria horretan, "autogobernuaren defentsarekin eta Gernikako Estatutua bururaino eramatearekin" duen konpromisoa berretsi du lehendakariak.
EH Bilduri eskaintza
Lehendakariak nabarmendu duenez, Eusko Jaurlaritzaren helburuetako bat "marko politiko berria" osatzea eta Gernikako Autonomia "gaurkotzea" direla, eta Legebiltzarrean horretarako propio eratutako lantaldea goraipatu du.
EH Bilduri zuzenduta, autogobernuaren inguruko proposamenak lantalde horretan egiteko gonbita egin dio. Horrez gain, euskal eskuduntzak "baldintzatu edo mugatzeko" Estatuak egin ditzakeen ekintzak salatzeko lankidetzan aritzea proposatu dio.
Zure interesekoa izan daiteke
Sanchezen esanetan, ezin da zigorgabetasunik egon ustelentzat, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan bere Gobernuko eta alderdiko zenbait kideri eragiten dieten praktika ustelen berri, eta ezagutzekotan, ez lituzkeela onartuko.
Moncloak azpimarratu du pertsona batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.