Parlamentera joateko eskubidea ukatu die epaileak Junqueras, Forn eta Sanchezi
Oriol Junqueras Kataluniako espetxera eramatea baztertu du Auzitegi Gorenak. Era berean, Junquerasi, Joaquin Forni eta Jordi Sanchezi Parlamenteko bozketetan parte hartzeko eskubidea ukatu die epaileak. Honenbestez, euren botoa beste diputatu batzuen esku utzi beharko dute.
Pablo Llarena magistratuak gaur igorri duen auto batean, hiru ikertuen luzaroko ezgaitasuna erabaki du epaileak. Ondorioz, espetxe prebentiboan dauden bitartean, horien botoak beste diputatuen batzuen esku uzteko prozedura erabaki beharko du Parlamenteko Mahaiak.
Hau da, ez du Junqueras Kataluniako kartzela batera lekualdatuko, ez die Parlamentera botoa emateko joaten utziko eta diputatu bihurtu eta botoa beste batzuen esku uzteko modua bilatzea eskatzen dio Mahaiari.
Hala ere, kartzelatik aldatzeko eskakizunaren errefusak ate bat zabalik uzten du, “eskaera espetxeetako agintariei egiteko aukera”. Hau da, lekualdatzeko azken erabakia Espetxe Zuzendaritzaren esku uzten du epaileak.
Sedizioa edo matxinada delituak berriz egiteko arriskua
Junqueras eta besteak Parlamentera joaten ez uzteko erabakia argiagoa da, ordea, sedizioa edo matxinada delituak berriz egiteko arriskuagatik. Hirurei delitu horiek egotzi zizkieten Gorenaren aurrean inputatzeko, Aldebakarreko Independentzia Adierazpenaren prozesuko auzian.
“Arriskuak jarraitzen du gaur”, adierazi du Llarenak, “magistratuaren jurisdikziotik ihes egin duten ikertuek duten babes zabalagatik” eta “auzi honetan ezarritako kautelazko neurrien aurka milaka herritarrek bultzatutako mobilizazioengatik”.
“Aurrekari horiekin eta egungo baldintzekin, espetxetik aldatu eta ateratzea, data eta ordu zehatzetan, irteera eta helmuga toki ezagunekin arriskutsua da”, azaldu du Llarenak, “istilu larriak eragin ditzakeelako”.
Hala ere, “ikertuen askatasuna mugatzeko edozein neurrik ezin du Parlamentuko aritmetika aldatu, hautestontzien borondatearen isla delako”, erantsi du epaileak.
Horregatik, luzaroko ezgaitasun legalaren figura erabiltzen du magistratuak; izan ere, Parlamenteko Araudiak berak eskaintzen du aukera hori.
“Ospitaleratze, gaixotasun larri edo luzaroko ezgaitasun kasuetan diputatuek botoa beste norbaiten esku uzteko aukera dute”, dio artikuluak.
Zure interesekoa izan daiteke
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".