Marguello: 'Osasun Sailak kontratatutako enpresa baten bazkide sinbolikoa nintzen'
Gestion de Servicios Sanitarios XXI enpresan % 1eko parte-hartze “sinbolikoa” izan zuela bakarrik ziurtatu du gaur Jose Carlos Marguello Gurutzetako Ospitaleko Kalitate buruzagi ohiak. Eusko Jaurlaritzako Osasun Sailak itxarote-zerrendak kudeatzeko kontratatu zuen enpresa, 2006an. Gabriel Inclanek (EAJ) zuzentzen zuen Saila.
“Ez nintzen sekula enpresan nahasi, ez aldez aurretik, ez lehenago, ez gero; ezta kontratuak lortzeko erakunde publikoekin bitarteko lanak egin ere”, adierazi du Marguellok epaiketako lehen saioan, Bizkaiko Lurralde-auzitegian. Prebarikazioa, diru publikoak bidegabe erabiltzea, administrazio publikoaren kontrako iruzurra eta funtzionario publikoen arteko negoziaketa egotzi dizkiete.
Marguellorekin batera, Maria Nieves Fernandez enpresa horren eta Rehabilidomen ustezko izen-mailegatzailea, Jose Ramon Elorriaga Bizkaiko burua garai hartan, eta Rafael Cerdan Osasun sailburuorde ohia akusatuen aulkian daude.
Esleipenetan izandako irregulartasunengatik diru-kutxa publikoek 6,8 milioi euroko galera izan zutela uste du Fiskaltzak. Aurreneko hiru akusatuei 11 urteko espetxe-zigorra ezartzea eskatu du fiskalak, eta Cerdani 6,5 urteko kartzela-zigorra. Bitartean, Eusko Jaurlaritzak galdutako dirua berreskuratzea soilik eskatu du auzian.
Maria Nieves Fernandez ‘adiskidea laguntzeagatik’
Gestion de Sevicios Sanitaros XXI enpresan Maria Nieves Fernandez “adiskidea laguntzeagatik” sartu zela azaldu du Marguellok, baina konpainiaren eguneroko lanean “sekula” nahasi ez zela erantsi du. Horrela, ez zuen sozietatetik kobratu, ezta administrazioak kontratu bat emateko negoziazio "formalik edo informalik" egin ere, gaineratu duenez.
Enpresa horren izenean klinika pribatu batekin kontratu bat sinatu zuen Marguellok. Une horretan Maria Nieves Fernandez bidaia egiten ari zelako “bakarrik” sinatu zuela azaldu du auzipetuak. Ezer gehiago egin ez zuela ziurtatu du.
Bestalde, Gabriel Inclan Osasun sailburu ohiaren lagun mina dela onartu du Marguellok. Enpresa honen sorreraren inguruan sailburu ohiarekin hitz egin ez zuela aitortu du.
Maria Nieves Fernandezek, Marguelloren bertsio bera
Marguelloren bertsioa berretsi du Maria Nieves Fernandezek. Enpresa berak kudeatzen zuela ziurtatu du Fernandezek, sare publikoaren itxarote-zerrendak arintzeko helburuarekin.
Pazienteak klinika pribatura bideratzeko lana zuen; Marguellok hitzarmena sinatu zuen klinika horrekin. Medikuen taldea sare publiko zein pribatutik zetozen profesionalekin osatu zuela azaldu du Fernandezek.
Preseski, bitartekorik gabe klinikarekin “zuzenean” hitzartzeko aukera zergatik baztertu zuten galdetu diote Jose Ramon Elorriaga Bizkaiko arduradun ohiari. Mutualitateengatik ezinezkoa zela erantzun du Elorriagak.
Bestalde, Elorriagak enpresa baten bidez itxarote-zerrendak arintzeko proposamena egin ziola azaldu du Cerdanek. Saileko teknikarien aholkua jaso ondoren, eragozpenik ez zegoela egiaztatu eta sinatu zuela azpimarratu du sailburuorde ohiak.
Fiskaltzaren lekukoekin jarraituko du epaiketak astearte honetan. Besteak beste, Rafael Bengoa (PSE-EE) Eusko Jaurlaritzako Osasun sailburu ohiak deklaratuko du. Ustezko irregulartasunak antzeman zituen Bengoak.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.