Alemaniak Puigdemonten estradizioa ukatuko duela uste du bere abokatuak
Jaume Alonso-Cuevillas Carles Puigdemont presidentearen abokatuaren ustez, "elementu oso sendoak" daude pentsatzeko Alemaniak buruzagi katalanaren aurkako estradizioa errefusatuko duela.
Azaldu duenez, Puigdemont galdekatu zuen epaileak barkamena eskatu zion, Aste Santua tarteko, auzia lehenbailehen argitzeko modurik izango ez zuelako.
Rac1 irrati kateari eskainitako elkarrizketa batean nabarmendu duenez, Puigdemontekin batera zihoan historialaria atxilotzea "show-a, ikuskizun hutsa" izan zen, ezin baitzaio deliturik egotzi.
Alonso-Cuevillasek Josep Lluis Alay historialariaren lana eta profila goraipatu du. Azaldu duenez, nazioarteko harremanetan aditua da Alay, eta presidentearen "laguntzaile" aritzen zen. Abokatuaren esanetan, hori ez da legez kanpokoa. Salatu duenez, autoa topatzeko gailua jarri zion Poliziak.
"Formalki ez digute esan zer leporatzen zaion, eta ez digute argitu epailearen aurrera joan behar den ere", kritikatu du. Horren hitzetan, estaltze deliturik ezin zaio egotzi Puigdemont Belgikara zihoalako, bere burua Justiziaren aurrera aurkeztera.
Hori horrela, atxiloketa horren ostean "beldurraren kanpaina bat" dagoela uste du Alonso-Cuevillasek. "Presidentearen hurbilekoak urduri jarri nahi dituzte", erantsi du.
Llarenak sinatutako euroaginduan ustelkeria delitua ere sartu izanaren harira, abokatuak uste du Gorenaren eskaera baino ez du zikintzen.
Ana Rosa Quintana aurkezlea salatu du Puigdemontek
Bestalde, Paul Bekaert abokatuak –Carles Puigdemontek Belgikan duen abokatua- EFE agentziari jakinarazi dioenez, Ana Rosa Quintana telebistako aurkezlearen eta haren lan-taldeko bi langileren kontrako salaketa jarri dute Belgikan, Kataluniako presidente ohiak Toni Comin kontseilari ohiari sakelako telefonoaren bidez igorritako mezu pribatu bat grabatu eta publiko egitegatik.
"Salaketa jarri dugu. Belgikan zigortuko dituzte eta hemen kartzela-zigorra suposatzen du delitu horrek", erantsi du Bekaertek.
Belgikako zigor-kodearen arabera, sei hilabete eta hiru urte arteko espetxealdia ezar diezaiekete mezu pribatu baimenik gabe zabaltzeagatik.
Joan den urtarrilaren 31an, Ana Rosa Quintanak Telecinco telebista-katean aurkezten duen saioan eman zuten aipatu mezuaren berri eta hautsak harrotu ziren.
Puigdemontek Comini igorritako mezuak ondokoa zioen: "Hau bukatu da. Sakrifikatu egin gaituzte (…). Moncloaren plana atera da garaile".
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.