Juan Carlos Erregea Unibertsitatea Pablo Casadoren masterra ere ikertzen ari da
Pablo Casado PPko Komunikazio idazkariordeak egin zuen Zuzenbide Autonomiko eta Lokalaren masterra ikertzen ari da Juan Carlos Erregea Unibertsitatea (URJC), Cristina Cifuentes Madrilgo presidentearen graduondoko tituluaren harira zabaldutako barne ikerketaren markoan.
El Pais egunkariak unibertsitateko iturriak aipatuz aurreratu duenez, martxoaren 21ean abiatu zuten ikerketa beste ikastaro batzuetara zabaldu da, besteak beste, PPko diputatuarenera. Pilar Trinidad irakaslea ikerketa zuzentzen ari da.
Prozedurak beste ikasle batzuei eragingo diela azaldu du egunkariak, besteak beste, Mario Conde bankari ohiari. Era berean, beste kargudun eta politikari batzuen ikasketak aztertuko dituzte, baina ez dute nortasunen berri eman.
Konkretuki, URJC Zuzenbide Publikoko Institutuaren jarduera eta agiriak aztertzen ari da, Estatu Autonomikoaren Zuzenbide Publikoko masterraren arduraduna baita. Enrique Alvarez Condek zuzendu zuen, eta Cifuentesek ustez egin zuen berdina da.
Cristina Cifuentes Madrilgo erkidegoko presidenteak lortutako masterra argitzeko, ikerketa abiatzeko agindua eman zuen Javier Ramos URJCko errektoreak orain dela gutxi; izan daitezkeen erantzukizunak zehazteko.
Ikertzeko ardura Unibertsitateko Zerbitzu Ikuskaritzako buruzagiari eman zioten. Agiriak eta adierazpen idatziak eskatu zituen errektoreak, eta barne ikerketa agindu zuen.
Pablo Casadok, ostera, 2008an Zuzenbide Autonomiko eta Lokaleko Masterra legez lortu zuela egiaztatzeko agiri guztiak dituela ziurtatu du.
Twitter sare sozialaren bidez, bere espedientearen berri eman du PPko buruzagiak, unibertsitateko intranetaren pantaila-irudi bat argitaratuta. Bertan Enpresa Administrazio eta Zuzendaritza lizentziatura eta masterra agertzen dira.
“2008ko Zuzenbide Autonomiko eta Lokaleko nire masterra egiaztatzeko agiri guztiak ditut, 2005eko errege-dekretuaren araberako ikasketa-plana zaharra oinarri hartuta, doktorego-ikastaroak Bolonia Planera egokitu baino lehen. Hau da nire gaurko intranet”, idatzi du Casadok.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.