Zigor Kodea 'berrikustea' beharrezkoa dela esan dute euskal alderdiek
Nafarroako Lurralde Auzitegiak asteon Manadako bost kideen kontra kaleratutako epaiarekin oso kritiko agertu dira Eusko Legebiltzarrean ordezkaritza duten alderdi guztiak, eta Zigor Kodea berrikustea beharrezkoa dela iritzi diote.
Bederatzi urteko kartzela zigorra ezarri diete 2016ko sanferminetako talde bortxaketaren bost egileei, sexu abusu delituagatik, eta gai hori izan dute hizpide, besteak beste, Radio Euskadiko goizeko tertulia politikoan.
EAJ
Horren harira, Joseba Egibar Legebiltzarrean EAJren bozeramaileak sortu den "suminaren olatuaren garrantzia" nabarmendu du, eta gertaerak izan zirenean "inpaktua izango zuen berria" zela pentsatu zutela gaineratu du.
"Sumin ikaragarria eragin du guztiak, biktima berriro ere biktima egiten duelako. Abusua izan ote den gune lausotuekin, larderia eta indarkeria izan ote den, biktimari nahikoa erresistentzia egin zuen galdetzen zaio… guzti horrek sumindu egiten du, eta leherketa sortu du", azaldu du.
EH BILDU
Bestalde, Iker Casanova EH Bilduko legebiltzarkideak justizia "patriarkalizatuta" dagoela salatu du, "bi alditan" sufritzen den gaia izanik. "Lehenengo, legeak egiten direnean, eta, gero, aplikatzen direnean", azaldu du.
Haren ustez, legeek "ikuspegi patriarkala" islatzen dute, eta hori dela zuzendu behar dena nabarmendu du. "Eskaera horri irtenbidea jartzeko arduratsua" izatean konfiantza erakutsi du.
ELKARREKIN PODEMOS
Jon Hernandez Elkarrekin Podemoseko legebiltzarkideak biktimari elkartasuna erakutsi dio, eta "bizitzen ari garen sumina benetan justifikatuta dago, eta ulerkorra da", esan du.
"Prozedura judizialeko gertaeren kontakizuna irakurtzen duenak eta sen ona duenak gertatu zena bortxaketa izan zela daki. Epaia bidegabea da, eta burutik behera balde bat ur hotz botatzea bezala izan da aldarrikapen feminista indar oso garrantzitsua hartzen ari den uneotan", adierazi du.
PSE-EE
Eneko Andueza PSE-EEko legebiltzarkideak epaiaren "guztiz kontrako" jarrera erakutsi du. Fiskaltzaren errekurtsoak "aurrera egiteko eta astakeria hau atzen onera iristeko" itxaropena du.
Anduezaren ustez, epaia "ostiko bat da genero-indarkeriaren aurkako borrokarentzat". "Haien eskubideengatik borrokatzen duten emakume guztientzako erasotzat har daitezkeen epaiak daude, oraindik aurrerapausoak emateko daude. Atzerapauso bat da hau abusua, eta ez bortxaketa, dela uste duten epaiak egotea", azpimarratu du.
PP
Azkenik, Anton Damborenea PPko legebiltzarkideak "txundigarria" dela esan du Nafarroako Probintzia-Auzitegiko hiru magistratuetatik bat berak ere ez esan izana bortxaketa dela, "sozialki bortxaketaren kontzeptua guztiok ulertzen dugun arren".
"Arazoa ez dakigu magistratuena den edo bortxaketa delitua erregulatzen duen araudiarena. 1995etik datozen pieza horiak berraztertzea espero dut. Legeek edo magistratuek akats egiten dute, eta politikook konpondu behar ditugu arazo hauek", esan du.
Zure interesekoa izan daiteke
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.