Hildako ETAko kideen senideek 'sufrimendurik gabeko etorkizuna' aldarrikatu dute
Hildako hainbat ETAko kideren senideek agerraldia egin dute Bilbon, aro politiko berriari bultzada emateko prest daudela adierazteko, "herri honetan inork gehiago sufrituko ez duen etorkizuna lortzeko". Iraganean gertatukoa ahaztu behar ez dela, baina "aurrera" egin behar dela erantsi dute.
Aitziber Ibaibarriagak eta Maite Reyk hartu dute hitza Sorturen Bilboko egoitzan egindako agerraldian. Ibaibarriaga Guardia Zibilak 1968an tiroz hildako Txabi Etxeberrieta ETAko kidearen biloba da eta Rey, joan den martxoan Cadizeko espetxean hil zen Xabier Rey presoaren arreba.
Aro berri honetan mina osatu eta pertsona guztien eskubide guztiak errespetatuko direnaren itxaropena agertu dute. "Ez dugu sufrimenduaren aldarririk egin nahi, ezta minaren jabe bakarrak gu garela erakutsi nahi ere". Alabaina, isilik gelditzeko asmorik ez dutela azpimarratu dute: "Argi eta garbi esan behar dugu guk ere sufritu dugula, orain ere sufriarazi egiten digutela eta sufrimendu hori isilarazi egin nahi dutela".
Azken hamarkadetan sufrimendu asko izan dela eta sufrimendu hori aitortzen ez dena mina areagotu egiten dela nabarmendu dute. "Oraindik zauri asko dago ixteko eta guk sufrimendurik gabeko etorkizuna nahi dugu hurrengo belaunaldientzat", gaineratu dute.
Ildo horretan, egun heriotza gehiago ez gertatzeko bermerik ez dagoela ohartarazi dute. Xabier Rey "Euskal Herriko gatazka politikoaren azken hildakoa" izatea espero dutela esan dute. "Guk gure esku dagoen guztia egingo dugu hala izan dadin, erantsi dute.
Amaitzeko, ezker abertzaleak larunbat honetan Bilbon egingo duen ekitaldi politikoan parte hartzeko deia egin dute, "gure senitartekoen ametsak eta ilusioak berriro amesteko".
"Euskal estatu librea, justua eta dezentea. Horixe merezi dute eta guk hori merezi eta behar dugulako. Etorkizun hobea merezi dugu", azpimarratu dute.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.