Altsasuko gazteen senideek Espainiako Justizia salatu dute Estrasburgon
Auzitegi Nazionalak epaitutako Altsasuko gazteen bi senide Estrasburgon dabiltza egunotan, Europako Parlamentuaren egoitza dagoen hirian, euren seme-alaben egoeraren berri emateko eta europarlamentariekin biltzeko. Eurekin batera Estrasburgon dira kartzelan dauden Kataluniako independentisten senideak eta Valtonyc rap kantariaren aldeko taldeko kideak ere eta guztiek ere Espainiak bizi duen "atzeraldi demokratikoa" salatu dute.
Bel Pozuetak, behin-behinean espetxean dagoen Adur Ramirez Altsasuko gaztearen amak, salatu duenez epaiketaren aurretik eta epaiketan bertan babesik gabe sentitu dira. "Prozesuak inpartzialtasuna zalantzan jarri du, izan ere, akusazioa jasandako kalteak handiagotzen ahalegindu da, terrorismo delitua oinarri hartzeko", esan du.
Pozuetaren esanetan, Estatu espainiarrean zenbaitek interesa dute ETA indarrean dagoela, dena ETA dela eta Altsasuko gazteek ETAren estrategia jarraitzen ari zirela esateko.
Gainera, euren seme-alabak bizitzen ari diren injustizia egoera gertutik jarraitzeko eskatu diote Altsasuko gazteen senideek Europar Batasunari.
Bestalde, Anna Forn kargugabetutako Joaquim Forn Kataluniako Barne kontseilariaren alabak salatu duenez, "demokratikoki aukeratutako" Gobernu bateko kideak, Carme Forcadell Kataluniako Parlamentuko presidente ohia eta Jordi Sanchez eta Jordi Cuixart ekintzaileak behin-behinean kartzelan daude "eskubide demokratikoetan demokratikoena ahalbideratzeagatik".
Azkenik, Valtonycen aldeko taldearen izenean Mulay Embarekek hitz egin du eta rap kantariari Espainiako Justiziak abesteagatik ezarritako hiru urte eta erdiko zigorra salatu du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.