Foro Sozialak erakunde, alderdi eta eragileen arteko adostasuna azpimarratu du
“Konponbiderako Premiazko Agendan adostasun zabal eta sendoa” dagoela azaldu dute Foro Sozial Iraunkorrak, Sarek eta Etxeratek. ETAk armagabetzea 2017ko apirilean egin ondoren, erakundeekin, alderdiekin eta eragileekin bilera-sorta egin dute.
Foro Sozialak gaur jakitera eman duenez, “armagabetzearen biharamunean, gobernuen, alderdien, sindikatuen eta gizartearen arteko elkarrizketa esparruak sortzeko lanean hasi ginen, gutxieneko akordioak adosteko; ezberdinen arteko konfiantzak eraikitzeko”.
Orain arte, Eusko Jaurlaritzarekin, Manu Lezertua Arartekoarekin, Nafarroako Herriaren Defendatzailearekin, EPPK presoen kolektiboarekin, “gizarteko eragileekin eta 72 pertsona ospetsurekin” bildu dira.
Foro Sozialak iragarri duenez, “pertsona preso gaixoen, gerturatzearen eta espetxe politikako eskumenen” inguruko akordio batzuk lortu dira.
“Konponbiderako Premiazko Agendaren inguruan adostasun zabala eta sendoa” dagoela bileretako ondorio nagusia da. Gaixo dauden presoak eta adinekoak aske uztea, gerturatzea, bigarren gradura pasatzea, Frantzian betetako zigorren metaketa eta espetxe eskumenen transferentzia aurreikusten ditu agendak.
Hala ere, ez dago ezer aurreikusirik, “jokalekua orain definitzen ari delako. Espainiako Gobernua bera pixkanaka-pixkanaka bere bide-orri zehazten ari da”.
EPPK presoen kolektiboarekin egindako bilera positiboa izan zela esan du Foro Sozialak.
“Biktima guztiak entzun behar dira. Baina politika publikoak interes orokorrean oinarritu behar dira; kasu honetan erabateko konponbidea lortzeko aurrerapausoak ematen jarraitu behar da”, azaldu dute.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.