Felipe VI.ak 'beti egin ditu zubilanak Kataluniarekin', Sanchezen arabera
Pedro Sanchez Espainiako Gobernuko presidenteak zalantzarik gabe babestu du Felipe VI.a Espainiako erregeak Bartzelonako eta Cambrilseko (Tarragona) atentatuen lehen urteurreneko ekitaldietan parte hartzea, nahiz eta independentistak kontra egon, eta Felipe VI.ak "Espainia askotarikoa" ulertzen duela eta "Kataluniarekin beti zubilanak" egin dituela azpimarratu du.
"Espainia askotarikoa ulertzen duen estatuburua dugu, herrialdearen aniztasuna ulertzen duena, eta Kataluniarekin beti zubilanak egin dituena", adierazi du Sanchezek Palman eman duen prentsaurrekoan, erregearekin Marivent Jauregian bildu ostean.
Baltasar Picornell Balearretako Parlamentuko presidenteak aurreko astean esan zuen erregeak "zubilanak" egin nahi zituela independentistekin, eta horren inguruan galdetu diote Sanchezi.
"Ez naiz inoren bozeramailea. Errege Etxeak eta estatuburak euren adierazpen publikoak egiten dituzte, nahiko argiak nire ustez, eta horiek interpretatu behar dira", erantzun du gobernuburuak.
Quim Torra Kataluniako presidenteak kritikatu egin du Felipe VI.ak atentatuen urteurreneko ekitaldietan parte hartzea, eta Sanchezek argi adierazi nahi izan du erregea eta erregina bertan izango direla, Gobernuko ordezkariekin batera, terrorismoa salatzeko eta biktimei eta senideei elkartasuna adierazteko "normaltasun" ekitaldi batean.
Bere ustez, garrantzitsuena da "ez ahaztea" ekitaldi horien helburua, eta argi uztea ez dagoela "zatiketarik" terrorismoaren aurkako borrokan eta biktimen eta senideen babesean.
Bestalde, Sanchezek jakinarazi du erregeari Gobernua-Generalitatea aldebiko bileraren berri ere eman diola. Izan ere, aurreko asteazkenean egin zen zazpi urte eta gero.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.