Sanchezek legea aldatuko du hipoteken zerga bankuek ordain dezaten
Pedro Sanchez Espainiako Gobernuko presidenteak gaur iragarri duenez, Exekutiboak Ondare-Eskualdaketen eta Egintza Juridiko Dokumentatuen gaineko Zergaren erreforma onartuko du ostegunean, aurrerantzean bankuek ordain dezaten.
Gobernuburuak premiazko agerraldia egin du eguerdian, Auzitegi Goreneko Administrazioarekiko Auzien Salak atzera egin eta zerga bezeroek ordaindu behar zutela ebatzi eta ordu gutxitara. Bi eguneko eztabaidaren ondotik, helegitea atzera botatzea eta urriaren 18ko epaiaren aurreko doktrina berreskuratzea erabaki du Administrazioarekiko Auzien Salak (aldeko 15 boto eta kontrako 13).
Prentsaurrekoan azaldu duenez, erreformaren helburua argia da: "Espainiarrek ez dezatela aurrerantzean zerga hori ordaindu". Errege lege-dekretu bidez egingo dute moldaketa, eta Ministroen Kontseiluak onartuko du bihar bertan. Ondoren, Kongresuko taldeen oniritzia jaso beharko du erreformak.
"Atzo botere judizialak hitz egin zuen; gaur eta bihar, politikoak egingo du", adierazi du irmo. Sanchezen ahotan, Moncloak epaileen "egitekoa eta independentzia" errespetatzen du, baina Gorenak zuzenketa horrekin sortutako giroa deitoratu du, ez baita "positiboa" ez bankuentzat, ez epaileentzat, ezta herritarrentzat ere.
Zerga hori behin betiko kentzeko aukeraz galdetuta, Sanchezek erantzun du bere asmoa bankuek ordaintzea dela, ez zerga ezabatzea. "Guk uste dugu ona dela autonomia erkidegoek diru sarrera hori edukitzea", erantsi du.
Era berean, Gobernuak finantza bezeroak babesteko erakunde independente bat sortuko duela iragarri du. Nabarmendu duenez, helburua "herritar guztion segurtasun juridikoa bermatzea eta bezeroak balizko gehiegikeriez babestea da".
Gogoeta eskatu dio Gorenari
Sanchezen hitzetan, gertatutakoaren ostean, Auzitegi Gorenak "autokritika" egin beharko luke.
Espainiako presidenteak esan du ez duela uste auzi horrek guztiak Auzitegiaren "sinesgarritasunari kalte" egingo dionik: "Batak eta besteak ez dute zerikusirik", erantsi du.
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.