Erorien Haranean ehortzitako euskaldunak Euskal Herriratzea eskatu du Legebiltzarrak
Eusko Legebiltzarrak Erorien Haranean lurperatuta dauden euskal herritarrei buruzko ikerketa "sakona" eskatu du gaur. Hain zuzen ere, bertan ehortzitako euskaldunak identifikatzea, eta senitartekoek nahi izanez gero eta posible izatekotan, horien gorpuak hobitik atera eta Euskal Herrira ekartzea galdegin dute.
EAJren, Elkarrekin Podemosen eta PSE-EEren aldeko botoekin, eta EH Bilduren babes partzialarekin onartu dute, besteak beste, "konnotazio frankistak eta erlijiosoak" ezabatzea eskatzen duen zuzenketa.
PP abstenitu egin da, eta horixe egin du EH Bilduk ere lehenengo puntuan, ez duelako begi onez ikusi ikerketa hori Gogora Memoriaren, Bizikidetzaren eta Giza Eskubideen Institutuak egitea. Izan ere, EH Bilduren iritziz, ez du biktimenganako "enpatiarik" erakusten, eta Memoria Historikoaren euskal Legerik ez dagoenez, agintarien "nahien araberakoa" da prozesua.
Lehenik eta behin, "bidegabeki" Erorien Haranean lurperatutako "errepublikazaleak, milizianoak, gudariak eta euskal herritarrak" zenbat diren zehaztu beharko du Gogorak. Behin lan hori eginda, hobitik ateratzeko eta Euskal Herriratzeko "gestioak" egin beharko dituzte, "biktimak onartuak izan daitezen".
Ildo horretan, senitartekoek hala eskatuta, gorpuak lurpetik ateratzeko jasotako agindu denak betetzeko exijitu dio Legebiltzarrak Espainiako Gobernuari.
Horretarako, epailearen baimena lortu behar dute, "biktimei dagozkien eskubideak babeste aldera".
Era berean, Erorien Harana ezin dela Franco diktadorearen omenezko leku bat izan gogorarazi diote legebiltzarkideek Gobernu espainiarrari.
Gaurko bilkuraren ostean, Iñigo Jacak, Erorien Haranean hobiratutako euskaldunen senitartekoen bozeramaileak, "aurrerapausotzat" jo du zuzenketa onartzea.
Albiste gehiago politika
Lehendakariak baztertu egin du Cerdan auziak EAJ-PSE gobernuari eragitea: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak Cerdan auziak Euskadin izan ditzakeen ondorioez galdetu diotenean.
"Sanchezen aldetik, irmotasun, gardentasun eta azkartasun handiagoa behar da"
Lehendakariaren ustez, Espainiako legegintzaldia "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: "Akordio batzuk zabaldu izana gustatuko litzaidake"
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabaltzea, batez ere aurrekontuen arloan". Gainera, lehendakariak kritikatu du zenbait unetan gobernukideek publikoki erakutsi dituztela desadostasunak. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.
Chivitek dio ez duela Cerdanen eta Servinabarren loturaren berririk eta PSNren kontuen auditoria iragarri du
Horrez gainera, “politikari eta pertsona gisa traizionatua” sentitzen dela esan du Nafarroako Gobernuko presidenteak.
Ibarrolaren ustez Chivitek dimisioa eman beharko luke "Belateko lanak Cerdanen enpresari esleitu bazaizkio"
Cristina Ibarrola UPNren presidentearen iritziz, "agerikoa da Chivite presidentea gero eta inguratuago dagoela". "Nafarroan esleitutako obra publiko handiena Cerdanen % 45eko parte-hartzea duen enpresa bati" esleitzea "eskandalua" dela esan du.
Nafarroako Gobernua akusazio partikular gisa aurkeztuko da ‘Koldo auzian’
Foru Gobernuko iturriek azaldu dutenez, Maria Chivitek dagoeneko iragarri duen ikuskaritza hirukoitzaren baitan hartutako erabakia da, “gardentasuna” bermatzeko neurri gehigarri gisa.
Rufianek, Sanchezi: ''Zin egizu hau ez dela PSOEren 'Gurtel auzia'''
PSOEren 'Gurtel auzia' ez dela ziurtatzeaz gain, Gabriel Rufian ERCren bozeramaileak Sanchezi eskatu dio inplikatutako enpresen aurka egitea eta "ustelkeriatan dabilen oro bizi osorako inhabilitatzea". "Ezkerrak ezin du lapurtu", adierazi du.