Lau euskal preso lekualdatuko ditu Espetxe Zuzendaritzak
Mikel Orbegozo Etxarri, Xabi Tximeno, Igor Gonzalez Sola eta Gorka Fraile Iturralde ETAko presoen lekualdatzea onartu du gaur Espetxe Zuzendaritzako Idazkaritza Nagusiak, “espetxe legedia” betetzen dutelako.
Horrela, Espainiako Gobernuak ETAko beste lau preso lekualdatzeko agindua eman du; horien artean, Mikel Orbegozo Etxarri Badajozeko kartzelatik Valladolideko espetxera eramango dute.
2005eko otsailaren 21ean espetxeratu zuten, eta 12 urte eta 26 hilabeteko zigorra betetzen ari da, erakunde terroristako kide, armak legez kanpo eduki, agiri publikoak faltsutu eta agintaritzari jarkitzeagatik. 2015eko irailean zigorraren hiru laurdenak bete zituen, eta Barne Ministerioak azaldu duenez, espetxe legedia onartu eta indarkeriaren erabilerari uko egin dio.
Era berean, Xabi Tximeno ETAko presoa lekualdatuko dute. 2000n espetxeratu zuten, eta 30 urteko zigorra betetzen ari da, hilketa saiakerak eta lehergailuak edukitzea egotzita. Alacanteko kartzelatik Burgosera eramango dute. 2016ko uztailean zigorraren hiru laurdenak bete zituen. Espetxe Zuzendaritzaren hitzetan, kartzela legedia eta egindako kaltea onartu du, baita indarkeria berriz ez erabiltzeko konpromisoa hartu ere.
Bestalde, Igor Gonzalez Sola Madril II espetxetik Soriara eramango dute. 2020ko martxoan zigorraren hiru laurdenak beteko ditu. 2005ean espetxeratu zuten, eta 20 urteko zigorra betetzen ari da, banda armatuari laguntzea, armak gordetzea eta agiri ofizialak faltsutzeagatik. Espetxe legedia onartu duela uste dute.
Azkena, Gorka Fraile Iturralde ETAko presoa da. Gaixotasun larriak dituzten presoen zerrendan dago, eta Badajozetik Kantabriara eramango dute.
1998ko apirilaren 10ean kartzelatu zuten, eta 25 urteko espetxe-zigorra betetzen ari da banda armatuari laguntzea, lehergailuak edukitzea, txikizio eta kalteengatik. 2017ko urtarrilean zigorraren hiru laurdenak bete zituen, eta Barne Ministerioaren arabera, espetxe legedia onartu du.
Zure interesekoa izan daiteke
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.