'ETA goratzeko ekitaldiek aurten % 147 gora' egin dutela salatu du Covitek
2017arekin alderatuta, “Euskadiko kaleetan ETAren terrorismoa goraipatzeko ekitaldiek aurten % 147 gora” egin dutela salatu du gaur Euskadiko Terrorismoaren Biktimen Kolektiboak (Covite). Gainera, “umeen presentziarekin kezkaturik” agertu da kolektiboa.
Consuelo Ordoñez elkarteko presidenteak eta Ines Gaviria komunikazio arduradunak agerraldia egin dute gaur Eusko Legebiltzarreko batzordean, PPk eskatuta, kolektiboaren Erradikalizazio Behatokiak bildutako datuen berri emateko.
Informazioa biltzen hasi zirenetik “2016an, ETAko terroristak goratzeko ekitaldiek nabarmen gora” egin dutela azaldu du Gaviriak. Urte horretan hiru izan ziren, 76 (horietatik 48 ETAko kideei egindako omenaldiak) 2017an eta 187 (59 omenaldi) aurten, erantsi duenez.
Aurten % 147 gora egin dutela nabarmendu du Gaviriak. Preso ohiei egindako omenaldiak, festak, pankartak eta pintadak zenbatu dituzte.
Ekitaldiak onartzerik ez daudela azpimarratu du Ordoñezek, “biktimak umiliatzen dituztelako” eta “araudiaren aurkakoak direlako”. “Gertatzen ari denaren aurrean” botere publikoak “zirkinik egin gabe” ezin daitezke geratu, Coviteko ordezkariak uste duenez.
Omenaldiok kalean eta toki publikoetan egitea salatzen du Covitek, Ordoñezek azaldu duenez. “Herriko tabernetan egingo balira, esateko ezer”, adierazi du.
Omenaldiak edo “delitu curriculumaren aitortzak” direnik ukatu du Julen Arzuaga EH Bilduko legebiltzarkideak. Biktimak iraintzeko asmoarekin egiten ez dituztela esan du. “Zigorra bete duten” presoei egindako “harrerak” direla erantsi du.
“Duela hamar urte baino hobeto gaude, egoera lasaiagoa da, eta are bareagoa izateko esfortzu bat egiten ari gara”, adierazi du Arzuagak.
Azkenik, ETAkoek duten sufrimendu berari aurre egin behar diote GAL bezalako talde terroristen biktimek Enrique Rodriguez Galindo Guardia Zibileko jeneral ohia goraipatzen denean, Pili Zabalak (Elkarrekin Podemos) gogorarazi duenez.
Zure interesekoa izan daiteke
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.