Presoen hurbilketa 'azkartzeko' eskatu dio Sortuk PSOEri
Arkaitz Rodriguez Sortuko idazkari nagusiak legea aplikatzeko eta presoak libre uzteko eskatu du gaur berriz ere. PSOEri hurbilketa "azkartzeko" esan dio, "euskal gizartearen %80 eta Kongresuaren gehiengoa espetxe politika berri baten alde baitaude".
Donostian, Martuteneko espetxearen aurrean ekitaldia egin du gaur 'Kalera kalera' ekimenak "Bada garaia, presoak kalera" lelopean, eta bertan egin ditu adierazpen horiek Rodriguezek.
Ehunka lagunek hartu dute parte ekimenean. Tartean ziren, besteak beste, Rufi Etxeberria ezker abertzaleko buruzagia, Rafa Diez Usabiaga LABeko idazkari nagusi ohia eta Jose Antonio López Ruiz Kubati Sortuko presoen batzordeko arduraduna
Preso katalanei erreferentzia eginez hasi du hitzaldia Rodriguez, eta ondoren, PSOE ez dela esandakoa betetzen ari salatu du: "espetxe politika berri bat aplikatuko zutela esanez iritsi ziren Gobernura, eta sei hilabete pasata, 16 hurbilketa iragarri dituzte, eta benetan, 10 hurbilketa izan dira eta bakar bat ere ez Euskal Herrira, gainera".
"Salbuespeneko politikarekin amaitzeko eta zeharka begiratzeari uzteko" ere eskatu du: "Edo gehiengoarekin daude, demokratekin, bakearekin, edo bakearen etsaiekin".
Sortuko idazkari nagusiak txalotu egin du Iruñean Sare herritar sareak atzo egindako ekintza. Ziega bat irudikatzen zuen instalazioa jarri zuten presoak nola bizi diren erakusteko. Ekimen hori gogor kritikatu zuten UPNko eta PPNko ordezkariek eta hainbat biktimen elkartek. Horiei erantzunez, Rodriguezek esan du onartezina dela "nazioarteko legediaren eta Espainiako legediaren kontra doan espetxe-politika bat defendatzea", eta "ETAk bere jarduna utzi eta 7 urtera presoek espetxean jarraitzea".
Hala, Legea betetzeko eskatu dio Rodriguezek Espainiako Gobernuari: "Gaixotasun larriak dituzten presoak eta 70 urtetik gorakoak ez lituzkete hurbildu behar, libre utzi baizik eta gauza bera "zigorraren hiru laurdenak bete dituztenekin ere, hori baita Legeak dioena" esan du.
Zure interesekoa izan daiteke
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.