Sute batengatik ikerketapean dagoen Guardiako zinegotzia kargugabetu dute
Gozogintza tailerrean ustez sutea eragiteagatik Ertzaintza ikertzen dabilen Jose Antonio Mateo Laguardiako (Araba) zinegotzia kargugabetu du Libres por Euskadi (LxE) alderdi politiko berriak. Ondorioz, prozesu judiziala amaitu arte gutxienez, zinegotzi izateari utziko dio Mateok, eta datozen udal hauteskundeetan ez da LxE alderdiaren hautagaia izango.
LxE alderdiaren arduradunak Gasteizen bildu dira igande honetan, eta eskainitako prentsaurrekoan zinegotziaren errugabetasun presuntzioa errespetatzeko eskatu dute. "Errespetu osoa diegu Ertzaintzari eta auzia daraman epaitegiari, baita Jose Antonio Mateori berari ere, errugabea dela diolako", adierazi dute LxEko buruzagiek.
Guardiako Udalera atxiki gabeko zinegotzia da Mateo. Izan ere, duela bi urte Ciudadanos alderdia utzi zuen Libres por Euskadi taldean sartzeko. Gaur arte, hurrengo hauteskundeetan alderdi horren alkatetzarako hautagaia zen.
Ikerketa, abian
Urriaren 26an Guardiako okindegi bateko gozogintza tailerrean piztutako suteagatik ikerketa abiatu zuen Ertzaintzak, lantegi horretako jabea susmagarri nagusia izanda. Gainera, sutearen egun berean bere lantegian agertutako mehatxuzko pintadak ere salatu zituen Mateok. Horietako batean "Hil zaitez, faxista" irakur zitekeen.
Jose Antonio Mateok ukatu egin du sabotajean parte hartu izana, eta haren abokatuak adierazi du Gasteizko 2. Instrukzio Epaitegiaren esku utzi zutela ikerketa. Gainera, zehaztu du oraingoz ez duela Mateo sabotaje horretan nahasten duen frogarik jaso.
"Nik dakidala adituen txostenek ez dute Mateok sutea eragin zuenik esan, eta, oraingoz, ez dago bide horretara zuzentzen duen frogarik ere", azaldu du abokatuak.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.