Juanma Moreno izendatu dute Andaluziako Gobernuko presidente
Juanma Moreno (PP) izendatu dute Andaluziako Gobernuko presidente, espero bezala, Ciudadanosen eta Voxen babesari esker.
Andaluziako Parlamentuan egindako inbestidura saioan, lehen bozketan, 59 boto jaso ditu alde Morenok, Alderdi Popularreko (26), Ciudadanoseko (21) eta Voxeko (12) diputatuenak, hain zuzen ere.
Alderdi Sozialistak eta Andaluzia Aurrera koalizioak (Podemos eta IU), berriz, Morenoren izendapenaren aurka bozkatu dute. Guztira, 50 izan dira kontrako botoak.
Gauzak horrela, Alderdi Popularrak, Ciudadanosen eta Voxen babesarekin, boterea eskuratu eta aldaketa politiko historikoa gauzatu du Andaluzian, 36 urte eta gero Alderdi Sozialista oposizioan egongo baita aurrerantzean.
PPk Ciudadanosekin batera gobernatuko du. Alderdi Popularrak sei kontseilaritza zuzenduko ditu eta Ciudadanosek bost, baina Juan Marin alderdi laranjaren buruzagia izango da Gobernuko presidenteordea.
Juanma Morenok ostiral honetan hartuko du presidente kargua, Andaluziako Parlamentuan, 12:00etan, egingo den ekitaldian. PPko hainbat buruzagi izango dira bertan, hala nola, Pablo Casado, Mariano Rajoy eta Soraya Saenz de Santamaria.
Morenok datorren astelehenean jakinaraziko ditu bere Gobernuaren osaketa zein izango den. Lehen gobernu-bilera urtarrilaren 25ean, Antequeran (Malaga), egingo dutela iragarri du.
Zure interesekoa izan daiteke
Imanol Pradales atxilotutako gazteei buruz: "Nire alaba balitz, erantzukizunen bat hartuko nuke"
EHKSk Bilboko istiluetan parte hartu ez zuela dio: "Quiles ez etortzea lortu zenean, helburuak beteta zeuden"
Podemosek zuhurtzia eskatu du, baina ez du baztertzen infiltratutako poliziak edo ultraeskuindarrak egotea istiluen atzean
Mikel Irujo eta Aitana Duque EAJren hautagaiak izango dira Nafarroako Parlamenturako Geroa Bairen zerrendan
Deustu, istiluen biharamunean: 55.000 euroko kalteak zenbatu dituzte
ErNEk Alfonso Garaikoetxea kargugabetzea eskatu du, Bilboko istiluak direla eta
Insaustik ziurtatu du indarkeria ez dela itzuliko Donostiako kaleetara, Blocusen deialdien aurrean
Javier de Andrés: "Absentismo daturik txarrenak dituen erkidegoa gara"
Ubarretxena: "Onartezina da elkarbizitza nahita okertzen duten talde antolatuak egotea"