Legebiltzarrak ez du eskatuko susmopean dauden lan eskaintzako azterketak gelditzea
Osakidetzako lan eskaintza publikoan (2016-2017), susmopean dauden kategorien azterketak gelditzea baztertu du Eusko Legebiltzarrak. Fiskaltzak delitu zantzuak ikusi ditu azterketen filtrazioagatik.
Probak geldiaraztea eskatu dute EH Bilduk eta Elkarrekin Podemosek, baina EAJk eta PSE-EEk errefusatu dute. Bitartean, PP bozketan abstenitu da.
Legebiltzarreko Osasun Batzordeak ekimena eztabaidatu du, EH Bilduk eskatuta. Aldi berean, Nekane Murga Osasun sailburu berria karguaz jabetu da asteazken honetan, Jon Darponek dimisioa eman ondoren. Osakidetzaren lan eskaintzan izandako irregulartasunengatik kritikak jaso ondotik, kargua utzi zuen Darponek, hain zuzen ere.
Fiskaltzak delitu zantzuak ikusi dituen kategorietan azterketak “kautelaz” geldiaraztea “eskatu” diote EH Bilduk eta Elkarrekin Podemosek Eusko Jaurlaritzari.
Gertatutakoaren “erantzukizun penalak ezagutu arte” probak gelditzea eskatu dute bi koalizioek testu adostuan.
Gainera, dagokion ebazpen judiziala argitara eman ondoren, azterketak errepikatzea eskatu dute, “beharrezko neurri osagarriak hartuz”, besteak beste, “epaimahaien berregituraketa” aipatu dute, “funtzio publikoko hautaproben printzipioak bermatzeko”.
Ekimena atzera bota dute. Eusko Jaurlaritza babesten duten alderdiek (EAJ eta PSE) ekimenaren aurkako botoa eman dute, eta PP abstenitu da.
Era berean, Alderdi Popularrak aurkeztutako zuzenketa ez dute onartu. Osakidetzaren “sinesgarritasuna” berreskuratzeko neurriak hartzea eskatu dio PPk Jaurlaritzari. EAJk eta PSEk aurkeztutako zuzenketa ere atzera bota du batzordeak. Lan eskaintza publikoa “gardentasunez eta berdintasun, meritu eta gaitasun printzipioak errespetatuz lehenbailehen” amaitzeko neurriak eskatu dituzte jeltzaleek eta sozialistek.
Zure interesekoa izan daiteke
Eusko Legebiltzarrak lan eskaintza publikoetan euskararen babesa indartzeko erreforma onartu du, EH Bilduren abstentzioarekin
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.