EH Bilduk '1977ko alkateen mugimendua' omendu du
EH Bilduk omenaldia egin die gaur Jose Luis Elkoro Bergarako alkate izan zenari eta '1977ko alkateen mugimenduari', azken hori "herri honen berpizkunderako ezinbestekoa" izan zela iritzita.
Koalizioak Bilboko Plaza Berrian egindako ekitaldi batean, azken bi legegintzaldietan EH Bilduko kargudunek egin duten lana goraipatu du.
Hala, errekonozimendua eman die alkateek bere garaian egindako lanari, "frankismoari aurre eginez, udaletatik Euskal Herriaren eraikuntzan pausoak eman zituztelako".
Arnaldo Otegi EH Bilduko koordinatzaileak "batasunaren eta programa progresista eta soberanisten alde" egin du, "Espainiako Estatuko kontrarreforma autoritarioari" aurre egiteko.
El coordinador de EH Bildu, Arnaldo Otegi, ha apostado por la "unidad y programas de mínimos progresistas y soberanistas" frente a la "contrarreforma autoritaria" que, a su juicio, se produce en el Estado español.
Bestalde, EAJren Kongresuko eta Senatuko hautagaien aurkezpenean, Aitor Estebanek azpimarratu du jeltzaleek ez dutela aurkeztuko "torerorik, ez realityko pertsonaiarik; asko jota, txokoren bateko sukaldaria". Hautagaitzak "Madril ezagutzen eta politika egiten badakiten" pertsonek osatzen dituztela adierazi du.
Jeltzaleek Kongresuan izan duten azken bozeramaileak azpimarratu du euskal autogobernuak "egonkortasun instituzionala" behar duela, "beharrezko aldaketak egiteko eztabaida patxadatsua egin ahal izateko".
Estebanek esan du "erabakigarriak" izan nahi dutela, eta "hurrengo legegintzaldian politika bera edo Estatuaren eredua aldatzen bada, EAJk bertan egon" behar duela.
Podemosek Iruñean egin du bere ekitaldi nagusia, eta Pablo Iglesias Unidas Podemosen presidentegaiak boto "duina" eskatu du, apirilaren 28an bankuen boterea geldiarazteko.
Iglesiasek galdetu du ea zergatik ez duen inork bankuez hitz egiten, "60.000 milioi euro eman bazitzaizkien eta zergetan 3.000 milioi euroko zorra badute ere".
Isabel Celaa Espainiako Hezkuntza ministro eta PSE-EEren hautagaiak "eskuin hirukoitza"ren "mehatxua"z ohartarazi du, "Espainia zentralizatura itzuli" nahi dutelako.
Pedro Sanchezen gobernuko bozeramaile ere badenak herritarrak mobilizatzeko deia egin du, apirilaren 28an jokoan dagoena "eboluzioa" edo "atzera egitea" delako. Halaber, PPk, Ciudadanosek eta Voxek osatzen duten "eskuin hirukoitza"ren aurka jo du, ez dutelako Espainia anitza nahi, eta "eskubide konstituzionalak ere zalantzan" jartzen dituztelako.
Javier Maroto PPren Antolakuntza idazkariordeak esan du bere alderdiak "berme ekonomikoa" eskaintzen duela, eta atzean utzi nahi dituela Sanchezen "diru xahuketaren ostiral elektoralak", "enplegu eta zerga jaitsierako ostiral ekonomikoetara" pasatzeko.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.