Altsasuko gazteen senitartekoek iragan igandeko 'elkartasun olatua' eskertu dute
Espetxean 2 eta 13 urteko zigorrak bete beharko dituzten Altsasuko gazteen senitartekoek iragan igandeko manifestazioan izandako "elkartasun olatua" eskertu dute.
Dagoeneko 867 egun igaro dira lehenengo atxiloketak egin zituztenetik, eta "azkenik Auzitegi Nazionaletik atera gara; salbuespen auzitegi horretatik, inoiz zapaldu beharko ez genukeen leku horretatik, zigor bidegabe eta neurrigabeak ezarri dituen epaitegitik", adierazi dute ohar baten bidez.
Bertan gaineratu dute "muntaia mediatiko, polizial, politiko eta juridiko" baten konplize izan dela "Guardia Zibilarekin zuzenean lotuta dagoen auzitegi alderdikoi hori"
Orain, zehaztu dute, Auzitegi Gorenera begira gaude, eta epeak luzatu badituzte ere, "ez dugu etsiko, atxilotu guztiak aske egon arte, espetxetik kanpo egon behar direlako".
Esan bezala, Altsasuko herriari eskerrak eman diote egindako "auzolan izugarriagatik", horri esker lortu zutelako manifestazioa aurrera ateratzea. Halaber, erakutsitako babesa eskertu diete etxeko ateak ireki zituztenei eta boluntario guztiei.
Bestalde, "justizia aldarrikatuz, kaleak elkartasunez bete zituzten 60.000 lagunen" asmo ona goratu dute, Euskal Herriko hainbat tokitik, Asturiasetik, Galiziatik, Aragoitik, Gaztelatik eta Kataluniatik heldu zirela gogora ekarrita.
"Gainera, lagun asko geratu ziren bidean, Altsasura iritsi ezinik", adierazi dute.
"Ez gara geldituko, honekin betirako bukatu arte. Maite zaituztegu, behar zaituztegu", nabarmendu dute esker ona adierazteko zabaldutako agirian.
Zure interesekoa izan daiteke
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Díez Antxustegi: “Lortu dugun akordioaren arrazoi nagusia da euskara zentrala dela guretzat”
EAJren bozeramailea Eusko Legebiltzarrean, Joseba Diez Antxustegi, Euskadi Irratiko Faktoria saioan izan da, eta azaldu ditu euskarari Administrazioan segurtasun juridikoa emateko akordioren nondik norakoak. Esan duenez, Enplegu Publikoaren Legea aldatzeko adostasun batera heldu dira EH Bildurekin, bere bazkide den PSE alde batera utziz, euskara “gai zentrala” delako EAJrentzat. Horrela, EH Bildurekin antzeko beste akordioetara ailegatzeaz, esan du ez lukeela “aurreikuspenik elikatuko”, “euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.
Ibone Bengoetxea: “Lege honen espiritua segurtasun juridiko handiagoa eskaintzea da, exijentzia gehiago ezarri gabe”
Lehendakariordeak, EAJk eta EH Bilduk euskararen segurtasun juridikoa bermatzeko akordioaren balioa nabarmendu dute; PSEk, PPk, Sumarrek eta Voxek, berriz, lege-aldaketa zalantzan jarri dute.
Eusko Legebiltzarrak lan eskaintza publikoetan euskararen babesa indartzeko erreforma onartu du
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.