Itsasoren inguruko helegitea tramitera onartu du Auzitegi Gorenak
Itsaso udalerria Toki Erakundeen Erregistroan inskribatzea eragotzi ondoren, Gipuzkako Foru Aldundiak administrazioarekiko auzi-errekurtsoa planteatu zuen, baina EAEko Auzitegi Nagusiak atzera bota zuen. Horrela gauzak, kasazio-errekurtsoa aurkeztu zuen Aldundiak, eta Auzitegi Gorenak tramitera onartu du orain.
Auzia laugarren Sekzioak ebatziko duela azaldu du Imanol Lasa Aldundiko bozeramaileak agiri batean. Errekurtsoa garatzeko eta edukia eta argudio nagusiak aurkezteko 30 egun izango ditu orain Aldundiak.
Bere garaian foru erakundeak aurkeztutako helegitea “ongi oinarritu” zuela nabarmendu du Lasak. Auzitegi Gorenak “gaiaren inguruan erabakitzea egoki ikusi du”, erantsi duenez.
Bozeramailearen ahotan, “tramite judizial garrantzitsu bat” gainditu dute. Itsasoren desanexioa 27/2016 foru dekretuaren bidez gauzatu zuten, “ikuspuntu legal, administratibo eta partizipatibotik prozedura aparta, legea zehatz-mehatz errespetatuz, berme ekonomiko eta administratibo guztiekin; Ezkio zein Itsasoko herritarrak protagonista izan zituen parte-hartze prozesu baten emaitza izan zen, ekarpen guztiak kontutan hartuta”, azpimarratu duenez.
Foru bozeramaileak azaldu duenez, Aldundiak “Gobernu Kontseiluaren erabakia defendatzen jarraituko du”. “Zentzutasuna eta errespetu instituzionala baztertuz, Madriletik gaia judizializatu” izana deitoratu du Lasak.
“Aldundiaren eskumenak defendatzen jarraituko dugu, sekula baino beharrezkoagoa den une batean; izan ere, Espainiako alderdi politiko asko birzentralizazioarekin eta autogobernua suntsitzearekin mehatxu egiten ari dira”, berretsi du.
Aldundiarentzako Itsasok “Gipuzkoako 89. udalerria izaten jarraituko du”, adierazi du Lasak. “Udal eta udalerri bezala finkatzeko, babes legal eta administratiboa ematen” jarraitu eta “alkate zein bizilagunei sostengu berezia” emango dizkietela esan du bozeramaileak, “zerbitzuak eta bizi-kalitatea bermatzeko”.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.